بيىلعى «پەتروپاۆل ارۋى-2015» بايقاۋىنىڭ جەڭىمپازى 21 جاسار بويجەتكەن - فوتو
ارۋ اتانۋ ءۇشىن 15 بويجەتكەن باق سىناستى.
ونى ۇيىمداستىرۋشى ناتاليا چوربانىڭ ايتۋىنشا، بايقاۋعا 16 جاستان اسقان قىزدار قاتىستىرىلعان. كاستينگتە 40 ادام باق تالاستىرعان.
قىزدار سىنىنىڭ قورىتىندىسىندا «پەتروپاۆل ارۋى-2015» بايقاۋىنىڭ ءتاجىن م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ 4 كۋرس ستۋدەنتى 21 جاسار الينا حليەۆوۆا يەلەندى. جەڭىمپاز بويجەتكەن رەسپۋبليكالىق بايقاۋدا ءوڭىر نامىسىن قورعايتىن بولادى.
«بۇل بايقاۋدا جەڭىسكە جەتكەنىمەن اسا قۋانىشتىمىن. ەندى وزىمە ارتىلعان ءۇمىتتى اقتاۋعا، رەسپۋبليكالىق بايقاۋعا تىڭعىلىقتى دايىندالۋعا تىرىسامىن. مەن بيمەن اينالىسامىن، بەلسەندى ءومىر سالتىن ۇستانامىن»، - دەيدى الينا شاتتانعان سەزىمىن جاسىرا الماي.
بايقاۋ قاتىسۋشىلارىنىڭ بارلىعى كوپتەگەن دەمەۋشىلەر تاراپىنان سىيلىقتارمەن ماراپاتتالدى، ال جەڭىمپازعا 100 مىڭ تەڭگە كولەمىندە سىياقى بەرىلدى.
