وزبەكستان 2015-2016-جىلدارى شاڭحاي ىنتىماقتاستىق ۇيىمىنا ءتوراعالىق ەتەدى
«ءبىر ەلدىڭ ءتوراعالىعى اياسىندا ۇستانعان ۇستانىم ءتوراعالىق كەلەسى مۇشە مەملەكەتكە اۋىسقان كەزدە جاڭا كەزەڭ اياسىندا قولداۋعا يە بولىپ، دامي تۇسكەنى اسا ماڭىزدى. تاجىكستان ءتوراعالىق ەتكەن كەزدە سولاي بولدى. مۇنى ر ف تولىقتاي قولدايدى. ءتوراعالىق وسى جىلعى شىلدەدەن باستاپ وزبەكستانعا اۋىسقان كەزدە دە ءدال وسىلاي بولاتىنىنا سەنىمدىمىن. ازىرگە قورعانىس مينيسترلەرى، دەنساۋلىق ساقتاۋ مينيسترلەرى، ىشكى ىستەر مينيسترلەرىنىڭ كەزدەسۋى كۇتىلۋدە»، - دەپ اتاپ ءوتتى ول.
10- شىلدەدە ۋفادا ش ى ۇ ساميتى اياسىندا ءتوراعالىقتى تاپسىرۋ ءراسىمى وتەدى، ءبىرقاتار ماڭىزدى قۇجاتتار قابىلدانادى.
«ەكىنشى دۇنيەجۇزىلىك سوعىستاعى جەڭىستىڭ 70 جىلدىعىنا ارنالعان مالىمدەمە قابىلدانادى دەپ كۇتۋدەمىز. سونداي-اق، ش ى ۇ- عا مۇشە ەلدەردىڭ ەسىرتكى قاۋپى تۋرالى مالىمدەمە جوباسىنا ۇسىنىستار قولداۋ تابادى دەپ كۇتىپ وتىرمىز. مەملەكەت باسشىلارىنىڭ قاتىسۋىمەن قول قويىلاتىن شەكارا ماسەلەسى بويىنشا كەلىسىمگە كەلۋ جۇمىستارى اياقتالادى دەپ سەنىم ارتىپ وتىرمىز. ارينە، سونىمەن بىرگە تاياۋ 10 جىلعا ش ى ۇ دامۋىن ايقىندايتىن باستى قۇجات بۇل - 2025-جىلعا دەيىن دامۋ ستراتەگياسى. قۇجات جان-جاقتى ويلاستىرىلعان، ونىڭ جۇمىسىنا تاراپتاردىڭ بارلىق وكىلدەرى تەڭ قاتىسادى. 2025-جىلعا دەيىن دامۋ ستراتەگياسى - بۇل تەك قانا ۇيىمنىڭ اۋقىمدى كەشەندى دامۋىن بەكىتۋ عانا ەمەس، سونىمەن بىرگە وڭىردەگى بارىنشا سالماقتى دەن قوياتىن ش ى ۇ وزىندىك ەرەكشەلىگى بار مالىمدەمەسى»، - دەپ اتاپ ءوتتى مەزەنتسيەۆ.
بۇگىندە ش ى ۇ- عا قىتاي، رەسەي، قازاقستان، تاجىكستان، قىرعىزستان جانە وزبەكستان كىرەدى. بۇدان باسقا، ۇيىمدا ءۇش مەملەكەت باسشىسىنىڭ تولىققاندى مۇشە بولۋ مارتەبەسىن الۋعا قول قويعان ءوتىنىشى (ءۇندىستان، يران، پاكىستان) بار، ءبىرقاتار ەلدەر باقىلاۋشى، ديالوگ ارىپتەسى مارتەبەسىن الۋعا ءوتىنىش بىلدىرۋدە، ولار - بەلارۋس، ازەربايجان، ارمەنيا، سيريا، كامبودجا، مولداۆيا رەسپۋبليكاسى، نەپال، بانگلادەش. ءبىرقاتار باسقا دا وتىنىمدەر بار.
