قازاقستان مەن ە ى د ۇ 2015-2016-جىلدارعا ارنالعان ەلدىك ىنتىماقتاستىق باعدارلاماسىن جۇزەگە اسىرۋعا كەلىستى
بۇل تۋرالى رەسمي primeminister.kz سايتىندا حابارلاندى.
باعدارلاما رەفورمالار جۇرگىزۋدى، سونداي-اق قازاقستاننىڭ الەۋمەتتىك-ەكونوميكالىق دامۋىنىڭ باستى سالالارىنداعى ءىرى جوبالاردى جۇزەگە اسىرۋدى قاراستىرادى. ەلدىك باعدارلاما قازاقستاننىڭ ە ى د ۇ- نىڭ ءبىرقاتار دەكلاراتسيالارى مەن ۇسىنىستارىنا قوسىلۋىنا، ونىڭ قۇرىلىمدىق بولىمدەرىنىڭ جۇمىسىنا قاتىسۋىنا مۇمكىندىك بەرەدى.
ق ر مەن ە ى د ۇ ەكى جاقتى ىنتىماقتاستىعى مەملەكەتتىك باسقارۋ جۇيەسىندەگى، ءبىلىم بەرۋ، دەنساۋلىق ساقتاۋ، جۇمىسپەن قامتۋ، قازىنالىق ساياسات سالالارىنداعى ەلدىڭ باسەكەگە قابىلەتتىلىگىن ارتتىرۋعا مۇمكىندىك بەرىپ، ىسكەرلىك احۋالدى جاقسارتادى. قازاقستان ە ى د ۇ ەلدىك ىنتىماقتاستىق باعدارلامالارىن العاش رەت بىرلەسىپ ازىرلەگەن ءتورت ەلدىڭ ءبىرى بولدى.
قول قويۋ قورىتىندىسى بويىنشا كارىم ءماسىموۆ «ەلدىك باعدارلامانى جۇزەگە اسىرۋ - قازاقستاننىڭ 2050-جىلعا قاراي الەمنىڭ 30 دامىعان مەملەكەتىنىڭ قاتارىنا كىرۋىنىڭ ۇزاق مەرزىمدى تاپسىرماسىنا جەتۋ ءۇشىن ە ى د ۇ ەلدەرىنىڭ وزىق تاجىريبەلەرىن ەنگىزۋگە ىنتاسىن راستايتىن ەكى جاقتى ءوزارا ءىس-قيمىلدىڭ ستراتەگيالىق ماڭىزدى كەزەڭى» ەكەنىن باسا ايتتى.
ءوز كەزەگىندە انحەل گۋرريا قول قويىلعان قۇجاتتىڭ ماڭىزدىلىعىن اتاپ ءوتتى.
«قازاقستان - ورتالىق ازياداعى كوشباسشى ەكونوميكاسى بار، ستراتەگيالىق تۇرعىدان ەۋروپا مەن ازيا تۇيىسكەن جەردە ورنالاسقان ەل. ەلدىك باعدارلامانى جۇزەگە اسىرۋدىڭ جاعىمدى اسەرى وڭىردەگى باسقا دا ەلدەردەگى رەفورمالارعا ءوز پايداسىن اكەلەتىنىنە سەنىمدىمىن»، - دەدى ە ى د ۇ باس حاتشىسى.
