لۋكويل 2015 - جىلدىڭ سوڭىندا مۇناي باعاسى 100 دوللارعا دەيىن وسەتىنىنە سەنىمدى
ونىڭ باعالاۋىنشا، 2015 - جىلدىڭ سوڭىنا قاراي مۇناي باعاسىنىڭ باررەلى 100 دوللارعا جەتەدى، دەپ جازادى ر ب ك.
فەدۋن ءوزىنىڭ 2015 - جىل مۇناي باعاسى ۇلعايۋى جونىندەگى بولجامىن ساۋد ارابياسى مەن وپەك اراسىنداعى «باعا سوعىسى» مۇناي ءوندرۋدىڭ قىسقارۋىنا اكەپ سوعادى دەگەن قيسىنعا نەگىزدەيدى. ال بۇل مۇناي باعاسىنىڭ قايتادان وسۋىنە نەگىز بولادى.
«قازىر ءبىز وسىلاي بولارىن كورىپ وتىرمىز. بۇرعىلاۋ قوندىرعىلارى قىسقارۋدا. بۇل، ەڭ الدىمەن، سلانەتس مۇنايىن وندىرۋگە اسەر ەتەدى. ا ق ش نارىعىنداعى ازداعان ءوسىم وتكەن جىلى بۇرعىلانعان ۇڭعىلار جۇمىسىمەن بايلانىستى. ال ءۇشىنشى توقسانعا قاراي ا ق ش- تا بۇرعىلاۋ مەن ءوندىرۋ قىسقارا تۇسەتىنىن كورەتىن بولامىز»، - دەدى لۋكويل-دىڭ ستراتەگيالىق دامۋ جونىندەگى ۆيتسە- پرەزيدەنتى سەيسەنبى كۇنى 2014 - جىلدىڭ قارجىلىق قورىتىندىلارى بويىنشا تەلەفون ارقىلى جۇرگىزىلگەن كونفەرەنسيادا.
«بۇگىندە ءبىز ۇڭعىلاردىڭ بۇكىل الەمدە، سونىڭ ىشىندە باتىس افريكادا، سولتۇستىك تەڭىزدە قىسقارا تۇسكەنىن كورىپ وتىرمىز. رەسەيلىك مۇناي كومپانيالارى دا بۇرعىلاۋ كولەمىن قىسقارتۋدا. جىلدىڭ اياعىندا مۇناي باعاسىنىڭ باررەلى 100 دوللارعا جەتىپ جاتسا، وعان تاڭعالۋعا بولمايدى»، - دەپ قوستى فەدۋن.
ونىڭ پىكىرنشە، باعا سوعىسىنىڭ مىندەتى مۇناي باعاسىن تومەندەتۋ ەمەس، نارىقتىڭ قۇبىلۋىن ازايتۋ. ول كوپ كەشىكپەي نارىق تەڭدەستىرىلەتىنىن ايتتى. مۇناي نارىعىنداعى قۇبىلۋلار جالعاسا تۇسكەنمەن، ونىڭ پىكىرىنشە، باعانىڭ وزگەرگىشتىگى جاساندى تۇردە قولدان كوتەرمەلەنىپ وتىر.
ونىڭ باعالاۋىنشا، رەسەيدە مۇناي ءوندىرۋ 20 ميلليون تونناعا ازايادى. «بارلىق رەسەيلىك كومپانيالار بيىلعى جىلعا كۇردەلى شىعىندارىن قىسقارتتى، ال ەكىنشى جارتىجىلدىقتان باستاپ، رف- دا بۇرعىلاۋشىلار بريگادالارى دا قىسقارادى، بۇل رەسەيدە ءوندىرۋ كولەمىنىڭ 5 ميلليون توننادان 20 ميلليون تونناعا دەيىن قىسقارۋىنا اكەپ سوعادى»، - دەدى لۋكويل ۆيتسە- پرەزيدەنتى.
قاڭتار ايىندا «لۋكويل» ا ا ق پرەزيدەنتى ۆاگيت الەكپەروۆ ر ب ك- عا سۇحبات بەرىپ، رەسەيدە مۇناي ءوندىرۋدىڭ تومەندەۋ سەبەپتەرىن ايتتى. ونىڭ پىكىرىنشە، ونىڭ قۇلدىراۋىنا سانكسيالار، قارجى نارىعىنداعى جاعداي عانا ەمەس، قورلار قۇرىلىسى ىقپال ەتەتىن بولادى.
«وكىنىشكە وراي، ءبىز بۇعان جاڭا (مۇناي) پروۆينتسياسىن ازرلەگەن جوقپىز، ءاربىر 20 جىلدا ەسكى كەنىشتەردەگى مۇنايدىڭ تابيعي قۇلدىراۋىنىڭ ورنىن تولتىراتىن شارالار العان جوقپىز. ءبىز جاڭا مۇناي كوزدەرى اركتيكا بولار دەپ ءۇمىت ەتتىك، ءبىراق تا اركتيكا بۇل ءۇمىتىمىزدى اقتامادى. ءبىز شىعىس ءسىبىر دە مۇناي ءوندىرۋدىڭ قىسقارۋىن جابۋى ءتيىس ەدى، وكىنىشكە وراي، ونىڭ قورلارىنىڭ قۇرىلىمى باتىس سىبىردەگى جانە ءداستۇرلى ايماقتارداعى تابيعي قۇلدىراۋدىڭ ورنىن جابا المايتىنىن كورىپ وتىرمىز»، دەدى الەكپەروۆ.
