كەشە «الەم ارۋى-2014» بايقاۋىنىڭ جەڭىمپازى انىقتالدى - فوتو
كولۋمبيالىق قاتىسۋشى بايقاۋ باستالماي تۇرىپ، فاۆوريت اتانعان ەدى. ەندى ول جىل بويىندا الەمگە ساياحاتتاپ، قايىرىمدىلىق شارالارىنا قاتىسادى. بارلىق شىعىندى Miss Universe ۇيىمى ءوز قالتاسىنان تولەيدى. جەڭىمپازعا ءتاجدى 2013-جىلى ەڭ سۇلۋ ارۋ اتانعان گابريەلا يسلەر سالتاناتتى تۇردە كيگىزدى.
ايتا كەتەيىك، «الەم ارۋى-2014» 27- ماۋسىمدا قازاقستانعا كەلىپ، «وپەرالىق بالدىڭ» تەلەجۇرگىزۋشىسى بولادى.
«الەمنىڭ 1-ۆيتسە ارۋ» تيتۋلى ا ق ش ارۋى ني سانچەسكە بۇيىردى، ۋكراينا قاتىسۋشىسى «ۆيتسە ارۋ» اتاعىن جەڭىپ الدى، «3-ۆيتسە ارۋ» تيتۋلىن ياسمين ۆەرحەيدجەن الدى. ال قازاقستاندىق ايداي يسايەۆا ماياميدە وتكەن «الەم ارۋى-2014» بايقاۋىنان شىعىپ قالدى.
ۆەنەسۋەلا، كولۋمبيا، ۋكراينا، اۆستراليا، يتاليا، ءۇندىستان، يسپانيا، فرانسيا، يندونەزيا، فيليپپين، ارگەنتينا، يامايكا، برازيليا، ا ق ش جانە نيدەرلاندى ەلدەرىنەن 15 ارۋ فينالعا شىقتى.
پاۋلينا ۆەگا
پاۋلينا ۆەگا
«ۆەنەسۋەلا ارۋى»
«فيليپپين ارۋى»
«يامايكا ارۋى»
«ا ق ش ارۋى»
«اۆستراليا ارۋى»
«ۋكراينا ارۋى»
كەشە قاتىسۋشى قىزدار ۇلتتىق كيىمدى تانىستىرعان ەدى. ايدا يسايەۆا كاۋمەنوۆانىڭ تىككەن كويلەگىن كيدى، ال كەشكى كيىم ۇلگىسىندە نايل بايكۇشىكوۆتىڭ تۋىندىسىمەن شىقتى. اقتىق سىنعا ءۇش اپتا قالعاندا قىزدار قايىرىمدىلىق اكسيالارىنا قاتىستى، گولف ويناپ ۇيرەندى، برازيليالىق سۋرەتشى رومەرو بريتتومەن بىرگە عيمارات قابىرعاسىنا سۋرەت سالدى، ۇلت شەرۋىنە قاتىستى.
«قازاقستان ارۋى» ايداي يسايەۆا
«رەسەي ارۋى»
ايتا كەتەيىك، «الەم ارۋى» بايقاۋى تۇڭعىش رەت 1952-جىلى ءوتتى. بايقاۋ ءسان كورسەتىلىمدەرىنىڭ ەڭ ۇزدىك 4 كونكۋرسىنىڭ قاتارىنا كىرەدى: «دۇنيەجۇزى ارۋى»، «جەر ارۋى» جانە «حالىقارالىق ارۋ». بايقاۋ امەريكالىق كاسىپكەر دونالد ترامپتىڭ مەنشىگىندە. ەسكە سالا كەتەيىك، 2013-جىلى ۆەنەسۋەلا اتىن قورعاعان گابيريەلا يسلەر «الەم ارۋى» اتانعان ەدى.
