گيننەسستىڭ رەكوردتار كىتابى 2014 - جىلدىڭ باستى جەتىستىكتەرىن اتادى

بۇل جولى شولمەك تىعىندارىنان بوشكە ۇلگىسىندەگى الىپ موزايكا قۇراستىرعان رەسەيلىك- فرانسيالىق كوماندا جەڭىسكە جەتتى.

كومپوزيتسيانىڭ اۋماعى - 150 شارشى مەتر. ونى جاساۋ ءۇشىن 285 مىڭ تىعىن مەن 270 كەلى جەلىم قاجەت بولدى. «الىپ بوشكە» اتاۋىن العان موزايكادا ەجەلگى گرەكيا قۇدايلارى، سانكت- پەتەربور مەن بوردو كورىنىستەرى بەينەلەنگەن.

2014 - جىلدىڭ جازىندا بۇل جۇمىس فرانسيا قالاسىنىڭ جاعالاۋىندا وتكەن جىل سايىنعى شاراپ فەستيۆالىنىڭ اياسىندا ۇسىنىلعان. تۋىندىنىڭ اۆتورلارى - رەسەيلىك سەرگەي سيدوروۆ پەن فرانسيا ازاماتشاسى ەلۆيرا گازيزوۆا.

جىلدىڭ باستى جەتىستىگى گيننەسستىڭ رەكوردتار كىتابىنىڭ سايتىنداعى داۋىس بەرۋ قورىتىندىلارى بويىنشا انىقتالدى. سايتقا كىرۋشىلەر الدىمەن فينالعا شىققاندار اراسىنان التى جەتىستىكتى تاڭدادى.

«الىپ بوشكەدەن» باسقا، ولاردىڭ اراسىنا پورتۋگاليا، ا ق ش جانە جاپونيا تۇرعىندارىنىڭ ورناتقان رەكوردتارى ەنگەن. ودان كەيىن داۋىس بەرۋگە قاتىسۋشىلار جەڭىمپازدى انىقتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى