ماياميدە «دۇنيە ءجۇزى ارۋى-2014» قاتىسۋشىلارى قازاقشا سايراپ ءجۇر - فوتو، كەسكىن

ءداستۇر بويىنشا، «دۇنيە ءجۇزى ارۋى-2014» بايقاۋىنىڭ فينالىنا ءۇش اپتا قالعاندا الەمنىڭ تۇكپىر- تۇكپىرىنەن كەلگەن تيتۋلدى سۇلۋلاردىڭ باستارى بىرىگەدى.

قازىر ارۋلار قىزۋ دايىندىق ۇستىندە. قايىرىمدىلىق جوبالارعا، فوتوسەسسيالارعا، ەڭ ۇزدىك ۇلتتىق كوستيۋم بايقاۋىنا قاتىسىپ جاتىر. بايقاۋدى ۇمىتىپ، قىزدار دوستاسىپ تا كەتكەن ءتارىزدى. ولار دايىندىقتىڭ اراسىندا ءوز مەملەكەتىنىڭ مادەنيەتىن، تاريحىن، ءداستۇرىن ءتۇسىندىرىپ، اڭگىمەگە دەن قويادى.

ءبىزدىڭ وتانداسىمىز اينالاسىنداعى وزگە مەملەكەتتەردەن كەلگەن قاتىسۋشىلاردى ءتىپتى قازاقشا ءبىر- ەكى ءسوز ۇيرەتىپ، قازاق ءتىلىنىڭ ساباقتارىن ءوزىنىڭ الەۋمەتتىك جەلىسىندەگى پاراقشاعا سالىپ تۇرادى.

«قازاقستان، سەن مىقتىسىڭ!»، - دەيدى ءبىر بەينەروليگىندە ۇلتتىق بايقاۋدان جەڭىمپاز بولىپ كەلگەن وزگە ەلدىڭ وكىلى. «قازاقستان، قالايسىڭ؟»، - دەپ ساۋال تاستايدى كەرمارالداي سىزىلعان «ارگەنتينا ارۋى».

ايتا كەتۋ كەرەك، ايداي بايقاۋدان تىس شارالارعا وتە بەلسەندى قاتىسىپ ءجۇر. كەشتەردىڭ بىرىندە ول دي-دجەي بولدى. ءتىپتى جەرگىلىكتى پوليتسيانىڭ قۇرامىندا جۇمىس اتقارىپ تا كوردى.

ەستەرىڭىزگە سالا كەتەيىك، «شىمكەنت ارۋى-2008»، «الماتى ۆيتسە-ارۋى-2013» جانە «قازاقستان ارۋى-2013» اتاقتارىنا يە ايداي يسايەۆا 25 - قاڭتاردا ماياميدە (ا ق ش) وتەتىن ەڭ بەدەلدى سۇلۋلىق بايقاۋلارىنىڭ ءبىرى «دۇنيە ءجۇزى ارۋى-2014» دوداسىنا قازاقستاننىڭ اتىنان قاتىسادى.

«قازاقپارات» اگەنتتىگى ايدايعا ساتتىلىك تىلەيدى! ءبىزدىڭ سۇلۋ ارۋىمىزدى قولدايىق!

«






 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى