الماتىدا «التىن قالام-2014» ۇلتتىق ادەبي بايقاۋىنىڭ قورىتىندىسى جاريالاندى

«جىلدىڭ ەڭ ۇزدىك پوەزياسى» اتالىمى بويىنشا قازاق تىلىندە استانا قالاسىنىڭ تۇرعىنى ورازبەك ساپارحاننىڭ «جول» ولەڭى، ال ورىس تىلىندە دۋلات ساعنايەۆتىڭ «جول جۇك ءبولىمى» اتتى ولەڭى جەڭىسكە جەتتى.

«جىلدىڭ ەڭ ۇزدىك پروزاسى» اتالىمى بويىنشا قازاق تىلىندە الماتىلىق جۋرناليست ساكەن سىبانبايدىڭ «مۇڭلىق» شىعارماسى، ال ورىس تىلىندە ساتبايەۆ قالاسىنىڭ تۇرعىنى ءشامىل سادىقوۆتىڭ «ماحاببات تۋرالى پوۆەست» شىعارماسى ۇزدىك دەپ تانىلدى.

«جىلدىڭ ەڭ ۇزدىك دراماتۋرگياسى» اتالىمى بويىنشا تەك ورىس تىلىندە قوستاناي قالاسىنىڭ تۇرعىنى اقىلبەك شاياحمەتتىڭ «ىبىرايدىڭ وسيەتى» پەساسى جەڭىپ شىقتى.

«جىلدىڭ ەڭ ۇزدىك بالالار ادەبيەتى» اتالىمى بويىنشا قازاق تىلىندە قىزىلوردا قالاسىنىڭ تۇرعىنى بوتاكوز جالماعانبەتوۆانىڭ «كيىز ءۇي» ، ال ورىس تىلىندە الماتى قالاسىنىڭ تۇرعىنى زاۋرە تورەحانوۆانىڭ «ءامينا تۇراننىڭ كوشپەلىلەر ەلىنە ساياحاتى» اتتى شىعارماسى جەڭىمپاز اتاندى.

بايقاۋدىڭ قورىتىندىسى بويىنشا شىعارىلعان ارنايى كىتاپقا جانە اۋديو ديسكىگە جوعارىداعى شىعارمالاردىڭ بارلىعى ەنگىزىلدى. جالپى، بيىلعى بايقاۋعا ەكى تىلدە بارلىعى 137 اۆتوردان 364 شىعارما كەلىپ ءتۇسىپتى.

«بايقاۋدىڭ باستى ماقساتى - كىتاپتى شىعارىپ قانا قويماي، وقىرماندارعا جاڭا وتاندىق اۆتورلارلى جاقىن تانىستىرۋ جانە ولارعا جان- جاقتى قولداۋ كورسەتۋ. بۇل بايقاۋ قازاقستاندا جازۋشىلاردىڭ جاڭا ۇرپاعىننىڭ ءوسىپ جەتىلۋىنە سەپتىگىن تيگىزەدى دەگەن ۇمىتتەمىز»، - دەدى «التىن قالام» ادەبي بايقاۋى ۇيىمداستىرۋشىلارىنىڭ ءبىرى قۋات دومباي.

ايتا كەتەلىك، «التىن قالام» بايقاۋى العاش رەت 2010 -جىلى ۇيىمداستىرىلعان بولاتىن. ونداعى ماقسات - جاس جازۋشىلارعا قولداۋ كورسەتىپ، ولاردىڭ شىعارمالارىن كىتاپ ەتىپ شىعارۋعا كومەكتەسۋ. بايقاۋدىڭ ەرەكشەلىگى دە سوندا. ويتكەنى مۇندا جەڭىمپازدارعا اقشالاي سىيلىق بەرىلمەيى. تەك شىعارمالارىنىڭ جارىق كورۋىنە قارجىلاي قولداۋ كورسەتىلەدى.

«التىن قالام» ادەبي بايقاۋىن ۇيىمداستىرۋشىلار - قۋات دومباي، دوسىم ساتبايەۆ، راسۇل جۇمالى، كەنجە جۇمان ۇلى جانە ايدوس سارىم سەكىلدى قوعام قايراتكەرلەرى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى