قازاق سپورتىنان 2014 - جىلى كىمدەر كەتتى؟

 سپورتشىلارىمىز بۇل سالادان ءارتۇرلى سەبەپتەرمەن كەتكەن بولاتىن، دەپ جازادى sportnews.kz سايتى. نازارلارىڭىزعا اتالعان سايتتاعى شولۋدى ۇسىنامىز.

ولگا دوۆگۋن (44 جاس) ، مىلتىقپەن اتۋ

مىلتىقپەن اتۋ جارىستارىندا الدىنا جان سالمايتىن قازاقستاندىق سپورتشى ينچحونداعى جەڭىسىنەن كەيىن سپورتتان كەتەتىنىن مالىمدەدى. دوۆگۋن - الەمنىڭ ەكى دۇركىن چەمپيونى ءارى ءتورت بىردەي وليمپيادا قاتىسۋشىسى.

يۋري لوگينوۆ (47 جاس) ، بەندي

قازاقستان قۇراماسىندا ءجۇرىپ بەندي ويىندارىندا الەمنىڭ 12 چەمپيوناتىندا باق سىناعان يۋري الەمنىڭ ءۇش دۇركىن قولا جۇلدەگەرى اتانعان. ول رەسەي چەمپيوناتىندا بەس رەت ۇزدىك قورعاۋشى رەتىندە تانىلعان. نوۆوسىبىرلىك «سيبسەلماشت» قۇرامىندا لوگينوۆ ءوزىنىڭ سپورت سالاسىنداعى مانسابىن اياقتادى.

يگور سولوشەنكو (35 جاس) ، فۋتبول

قاراعاندىلىق «شاحتەر» فۋتبول كلۋبىندا ۇزدىك ويىن كورسەتكەن ەلىمىزدىڭ چەمپيونى ءارى پرەمەر- ليگا جۇلدەگەرى يگور سولوشەنكو قازاقستان قۇراماسىندا 11 ويىن وتكىزگەن. سونداي- اق، «جەڭىس» جانە «توبىل» كوماندالارى ساپىندا ۇزدىك ويىن كورسەتكەن. 1999 - جىلى وتكەن الەم چەمپيوناتىندا جاستار كومانداسىنىڭ كاپيتانى رەتىندە باق سىناعان.

دميتري مۋراۆيەۆ (35 جاس) ، ۆەلوسپورت

قازاقستان چەمپيونى دميتريي «استانا» قۇرامىنا قوسىلماس بۇرىن «Quickstep» جانە «Credit Agricolە» سىندى كوماندالار قاتارىندا بولعان. 2014 - جىلدىڭ جازىندا ول ءوزىنىڭ كارەراسىن اياقتايتىنىن جانە قازاقستان ۆەلوسپورت فەدەراتسياسىنىڭ اتقارۋشى ديرەكتورى ورنىنا تاعايىندالعانىن مالىمدەدى.

ەۆگەني كوروليەۆ (26 جاس) ، تەننيس

2010 - جىلدان بەرى قازاقستان اتىنان شىعىپ جۇرگەن رەسەيلىك تەننيسشى ITF سەرياسىنىڭ بىرنەشە تۋرنيرىنىڭ جەڭىمپازى ءارى «ۇلكەن دۋلىعا» سىندى تۋرنيرلەردە باق سىناعان. «دەۆيس كۋبوگىندا» دا ەۆگەنيي ەلىمىزدىڭ اتىن قورعاعان بولاتىن. اۋىر جاراقاتتارى ونى مانساپ جولىن اياقتاۋىنا سەبەپشى بولدى، الايدا كوروليەۆ باپكەرلىك جاعىنا اۋىساتىنىن ايتتى.

مەرەي اقشالوۆ (25 جاس) ، بوكس

قازاقستاندىق بوكشى بەيجىڭ وليمپياداسىنا، «استانا ارلاندارى» ساپىندا باق سىناعان بولاتىن. 2013 - جىلى ازيا چەمپيوناتى مەن الەم چەمپيوناتىندا چەمپيون اتاندى. 2014 - جىلى دەنساۋلىعىنا بايلانىستى قولعابىن شەگەگە ىلۋگە ءماجبۇر بولدى.

داريا وبىدەننوۆا (23 جاس) ، حوككەي

قازاقستان قۇراماسىنىڭ قاقپاشىسى ءارى «ايسۇلۋ» كلۋبىنىڭ مۇشەسى ءوزىن ءارتۇرلى ەۋروپالىق تۋرنيرلەردە مويىنداتقان حوككەي ويىندارىنىڭ چەمپيونى داريا وبىدەننوۆا 2011 - جىلعى ازيا ويىندارىنىڭ دا چەمپيونى. حوككەيدەن ءبىرجولا كەتۋى تۋرالى شەشىمىن ول جىلدىڭ باسىندا مالىمدەگەن.

مارينا ۆولنوۆا (25 جاس) ، بوكس

ازيا ويىندارىنداعى قولا جۇلدەسىن جەڭىپ العان ۆولنوۆا بوكستان كەتۋگە شەشىم قابىلدادى. مارينا وتباسى قۇرۋىنا بايلاانىستى سپورتتان كەتكەنىن ايتقان. سونىمەن قاتار، مارينا الەم چەمپيوناتىنىڭ كۇمىس، لوندونداعى وليمپياداسىنىڭ قولا جۇلدەسىن ەنشىلەگەن.

اننا اليابيەۆا (21 جاس) ، گيمناستيكا

اننا ازيا چەمپيونى، سونىمەن قاتار حالىقارالىق تۋرنيرلەر مەن ازيا ويىندارىنىڭ جەڭىمپازى. 2012 - جىلعى وليمپيادادان سوڭ ازداعان ۋاقىتقا سپورتتان دەمالىس العان ول گيمناستيكاعا ورالۋدى كوزدەپ جۇرگەن بولاتىن، الايدا 2014 - جىلى گيمناستيكادان ءبىرجولا كەتەتىندىگى ءمالىم بولدى. قازىرگى تاڭدا اننا ءوزىن تەلەجۇرگىزۋشى رەتىندە سىناپ ءجۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى