بەلارۋس 2014 - جىلعى الەم ارۋى جەڭىمپازىنان باس تارتتى

 بۇل تۋرالى ەلدە ۇلتتىق سۇلۋلىق بايقاۋلارىن وتكىزىپ، قاتىسۋشى بويجەتكەندەردى حالىقارالىق دەڭگەيدەگى بايقاۋلارعا دايىنداپ جۇرگەن بەلارۋستىك ОНТ  ارناسىنىڭ باسپا ءسوز قىزمەتكەرى يۋليا دۋبوۆسكايا حابارلادى.

«ادەتتە وسىنداي بايقاۋلاردىڭ ۇيىمداستىرۋشىلارى بىزگە كەلىپ، قاتىسۋشىنى تانىستىرۋعا ءوتىنىشىن بەرەدى. بۇل ۇيىمداستىرۋشىلار (امەريكانىڭ مەريلەنند شتاتىندا وتكەن بايقاۋدى) بىزگە مۇلدەم كەلگەن جوق»، - دەيدى دۋبوۆسكايا ر ي ا نوۆوستي اگەنتتىگىنە بەرگەن تۇسىنىكتەمەسىندە.

ونىڭ ايتۋىنشا، ەلدەگى ۇلتتىق بايقاۋلاردىڭ ۇيىمداستىرۋشىلارى الەكسەيچيك تۋرالى العاش ەستىپ وتىر. «ءبىز بۇل جەڭىمپازدى تانىمايمىز. وسىنداي بايقاۋدىڭ ءتىپتى وتەتىنىن دە بىلمەدىك»، - دەپ اتاپ ءوتتى باسپا ءسوز حاتشىسى.

دۋبوسكايا حالىقارالىق بايقاۋلاردا بەلارۋس اتىنان ءداستۇرلى تۇردە ۇلتتىق سايىستاردىڭ جەڭىمپازدارى شىعاتىنىن جانە اعىمداعى جىلى وسىنداي بايقاۋدا («بەلارۋس ارۋى» ) يۋليا پەرەگۋدوۆا جەڭىمپاز اتانعانىن باياندادى.

بۇعان دەيىن «الەم ارۋى-2014» بايقاۋىنىڭ جەڭىمپازى بەلارۋستىڭ 31 جاستاعى وكىلى مارينا الەكسەيچيك اتانعانى تۋرالى حابارلاعان بولاتىنبىز.



«الەم ارۋى-2014» بايقاۋىنىڭ جەڭىمپازى بەلارۋستىڭ 31 جاستاعى وكىلى مارينا الەكسەيچيك



«بەلارۋس ارۋى» يۋليا پەرەگۋدوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى