تۇرمىسقا شىعۋ ءۇشىن «قازاقستان ارۋى-2014» قاتىسۋشىسى بايقاۋدان باس تارتتى

الماتىدان شىققان لاۋرا ءابدىرامانوۆا كونكۋرسقا قاتىسۋدان باس تارتتى. وعان ونىڭ وتباسىلىق ومىرىندەگى وزگەرىستەر سەبەپ بولدى - فينال الدىندا وعان تۇرمىسقا شىعۋ تۋرالى ۇسىنىس تۇسكەن. «ەندى ول تويدى وتكىزۋمەن اينالىسىپ جاتىر. بۇل «قازاقستان ارۋى» بايقاۋىنا قاتىسۋشىلاردىڭ تەز ارادا تۇرمىسقا شىعىپ جاتقانىن دالەلدەيدى. ءبىراق بىزدە مۇنداي جاعداي ءبىرىنشى رەت بولىپ وتىر - بويجەتكەن بايقاۋعا دايىندىق باستالعاننان كەيىن بەس كۇننەن سوڭ ۇسىنىس الدى»، - دەدى بايقاۋدىڭ باس ديرەكتورى الەنا ريۆلينا.

ۇيىمداستىرۋشىلار وسى جىلى قازىلار القاسى ءۇش جۇلدەگەردى ىرىكتەيتىنىن، ال «قازاقستان ارۋى-2014» جەڭىمپازى حالىقتىڭ داۋىس بەرۋى ارقىلى تىكەلەي ەفيردە انىقتالاتىنىن ەسكەرتتى. «بۇل جولى سۇلۋ قىزدار كوپ. سوندىقتان سىرتقى كەلبەتىمەن قاتار، ءبىز تاربيەسىنە، بىلىمىنە، ماقساتتارى مەن ومىرگە دەگەن قۇلشىنىسىنا، ءتىل بىلۋىنە ءمان بەرەمىز. قالىزار القاسى سۇلۋ قىزدى عانا ەمەس، الەمدىك ارەنالاردا قازاقستاننىڭ نامىسىن قورعاۋعا لايىقتى قىزدى تاڭداۋى كەرەك»، - دەدى ريۆلينا. «قازاقستان ارۋى-2014» بايقاۋىنىڭ قازىلار القاسىنىڭ قۇرامىنا يليا يلين، Luina, ءالي وقاپوۆ، مارات ورالعازين جانە سالتانات بەكجىگىتوۆا ەندى.

سونىمەن بىرگە، وسى جىلى «الەم ارۋى» بايقاۋىندا قازاقستاننىڭ اتىنان ءمادينا داۋلەتوۆا («الماتى ارۋى-2013» قاتىسۋشىسى) قورعايتىنى بەلگىلى بولدى. ال «دۇنيەجۇزى ارۋى» كونكۋرسىنا قازاقستاننىڭ ەڭ سۇلۋ قىزى مارتەبەسىنىڭ يەگەرى ايداي يسايەۆا قاتىسادى.

ەسكە سالا كەتەيىك، «قازاقستان ارۋى-2014» بايقاۋى 28- قاراشادا رەسپۋبليكا سارايىندا وتەدى. بايقاۋدىڭ جەڭىمپازى ءتاج بەن ءبىر ميلليون تەڭگە كولەمىندە سىياقى الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى