تارازدىڭ ەڭ سۇلۋ قىزى «قازاقستان ارۋى-2014» بايقاۋىنا قاتىسپايتىن بولدى

«تاراز ارۋى» دەنساۋلىعىنا بايلانىستى بايقاۋعا قاتىسۋدان باس تارتتى - التىنبەكوۆانىڭ تاماعى اۋىرىپ قالدى. بايقاۋعا تارازدان كەلگەن تاعى ءبىر ارۋ قاتىسىپ جاتىر - ديانا رەمەز. ول وڭىرلىك بىرىنشىلىكتىڭ كاستينگىندە جەڭىمپاز بولىپ، «قازاقستان ارۋى-2014» رەسپۋبليكالىق بايقاۋىنا قاتىسۋ مۇمكىندىگىن الدى.

وسىعان دەيىن استانالىق قاتىسۋشىنىڭ دەنساۋلىعى سىر بەرگەنى جايلى حابارلانعان بولاتىن. استانا قالاسىنىڭ بايقاۋىنا دايىندىق كەزىندە ءبىر قىز 10 كەلىگە دەيىن ارىقتاعان. دايىندىق بولىپ جاتقاندا ول ءوزىن ءالسىز سەزىنىپ، دارىگەرلەردىڭ كومەگىنە جۇگىنۋگە تۋرا كەلدى. دارىگەرلەر ونىڭ دەنساۋلىعى جاقسى ەكەنىن، كونكۋرسقا قاتىسۋعا بولاتىنىن ايتقان سوڭ ارۋ بايقاۋعا دايىندىق جۇمىستارىنا كىرىسىپ كەتكەن ەدى. ايتا كەتەيىك، «استانا ارۋى-2014» تيتۋلىن ءاسيا ءابىسوۆا جەڭىپ الدى. ءبىرىنشى ۆيتسە-ميسس اتاعىنا اسەل مۇسالدينوۆا لايىقتى دەپ تانىلسا، ءمارياش بيعاليەۆا - ەكىنشى ۆيتسە-ميسس بولدى.

ەستەرىڭىزگە سالا كەتەيىك، «قازاقستان ارۋى-2014» كونكۋرسى الماتىدا 28- قاراشادا وتەدى. وتكەن جىلى 24 جاستاعى ايداي يسايەۆا ەلدىڭ ەڭ سۇلۋ قىزى اتاعىن جەڭىپ الدى. ول - قازاق ۇلتتىق مەديتسينالىق ۋنيۆەرسيتەتىنىڭ ستۋدەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى