الماتىدا «اڭسار-2014» ادەبي بايقاۋىنىڭ جەڭىمپازدارى ماراپاتتالدى

كوميسسيا قاراۋىنا جۋرناليستيكا، پوەزيا جانە پروزا جانرىندا 200 دەن استام شىعارماشىلىق جۇمىس كەلىپ تۇسكەن. ولاردىڭ 50 شىعارمانىڭ اۆتورى ۇزدىك شىعىپ ءتۇرلى ديپلومدار مەن اقشالاي سىيلىققا يە بولدى.

ءادىل قازىلار القاسىنا ق ح ا جانىنداعى جۋرناليستەر كلۋبىنىڭ ءتوراعاسى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ يۋنەسكو كافەدراسىنىڭ جەتەكشىسى عادىلبەك شالاحمەتوۆ ءتوراعالىق ەتتى. وتىنىشتەردى ىرىكتەۋ بارىسىندا باسىلىمداردىڭ وزەكتىلىگى مەن ولاردىڭ قوعامدىق ماڭىزدىلىعى، ماتەريالداردىڭ مانەرلى، ايقىن جازىلۋى، دايەكتەردىڭ ناقتىلىعى جانە شىنايىلىعى، تاڭداپ الىنعان وقيعالاردىڭ جاڭاشىلدىعى مەن بىرەگەيلىگى، بەرىلگەن اقپاراتتىڭ تولىقتىعى جانە جانرلىق بەلگىلەرىنە سايكەستىگى سىندى نىشاندار نازارعا الىندى.

بايقاۋدىڭ جۇلدە قورى 2050000 تەڭگەنى قۇرايدى. بايقاۋ ناتيجەسى بويىنشا شىعارماشىلىق سايىسقا قاتىسۋشىلاردىڭ ەڭبەكتەرىن جيناق رەتىندە كەمىندە 100 دانا كولەمىندە شىعارۋ كوزدەلۋدە.

بۇعان قوسا ەڭ ۇزدىك تانىلعان 9 تۋىندى باسپا سوزدە جانە ەلەكتروندى ب ا ق-تا جارىق كورمەك.

شىعارماشىلىق سايىس قازاقستان رەسپۋبليكاسى ءبىلىم جانە عىلىم مينيسترلىگى جاستار ءىسى كوميتەتىنىڭ تاپسىرىسى بويىنشا قازاقستان حالقى اسسامبلەياسىنىڭ دامۋ كونسەپتسياسى اياسىندا ۇيىمداستىرىلدى. يگى باستاماعا سونىمەن قاتار قازاقستان حالقى اسسامبلەياسىنىڭ تىلشىلەر كلۋبى، ەتنومادەني بىرلەستىكتەر، الماتى قالاسىنىڭ اكىمشىلىگى، ءال-فارابي اتىنداعى قازاق ۇلتتىق ۋنيۆەرسيتەتى، «Kazfond» قوعامدىق جاستار قورى قولداۋ كورسەتكەن.

بايقاۋ قازاقستاننىڭ زاماناۋي ادەبيەتىن، وتاندىق پۋبليتسيستيكا مەن جۋرناليستيكانى ناسيحاتتاۋعا، جاستاردىڭ شىعارماشىلىق قابىلەتىن دامىتۋعا باعىتتالعان.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى