وسكەمەندە «قىس-2014» وقۋ- جاتتىعۋى ءوتتى
ابىروي بولعاندا تۇتەنشە جاعداي دەپارتامەنتىنىڭ جەدەل توبى دەر كەزىندە جەتىپ، جولاۋشىلاردى ءبىر قاتەردەن امان الىپ قالدى. بۇل - وسكەمەندە وتكەن «قىس-2014» وقۋ- جاتتىعۋىنىڭ وقيعا جەلىسى.
ناتاليا - ءۇرجار اۋدانىنان كەلە جاتقان جولاۋشى. اق تۇتەك بوران مەن قالىڭ قاردىڭ كەسىرىنەن ول وتىرعان اۆتوبۋس دىتتەگەن جەرىنە جەتە الماي قالدى. اياعى اۋىر ايەلدىڭ تولعاعى باستالىپ، بۇكىل جولاۋشىنىڭ دەگبىرى قاشتى. شارتتى تۇردە ۇيىمداستىرىلعان وقۋ- جاتتىعۋدىڭ وقيعا جەلىسى بويىنشا وبلىستىق توتەنشە جاعدايلار قىزمەتىنىڭ جەدەل توبى دەر كەزىندە جەتىپ، ناتاليا بالاسىن امان- ەسەن دۇنيەگە اكەلدى.
قىس مەزگىلىندە اۋا رايىنىڭ قولايسىزدىعىن ەسكەرمەي جولعا شىعىپ كەتەتىندەر كوپ. ءتىپتى، قار قۇرساۋىندا قالعان كولىكتەردىڭ ىشىندە كىشكەنتاي بالالار بولادى. ال جۇكتى ايەلدەردى دالادا مەديسينالىق كولىكتىڭ ىشىندە بوساندىرىپ العان جاعدايلار ءجيى كەزدەسەدى. وزگە وڭىرلەرگە قاراعاندا شىعىستىڭ قىسى ۇزاق، ءارى قاتاڭ. سوندىقتان جولاۋشىلار مىنگەن كولىكتەر قار قۇرساۋىندا ءجيى قالىپ قويادى.
ماماندار بۇگىندە وبىلىستا 200 دەن استام قار كوشكىنى بولاتىن اۋماقتى انىقتاپ وتىر. وسى ماقساتتا الدىن الا بارلىق مەكەمەلەرمەن بىرگە پىسىقتاۋ جۇمىستارىن قولعا العان. ءداستۇرلى تۇردە وتكىزىلىپ تۇراتىن «قىس-2014» وقۋ جاتتىعۋىنا ايماقتان 14 قىزمەت مەكەمەسى مەن 40 تەحنيكا بىرلىگى جۇمىلدىرىلدى. شامامەن جەكە قۇرامنىڭ 100 ادامى ءىس- شاراعا بەلسەندىلىك تانىتتى. قۇتقارۋشىلار تابيعاتتىڭ كەز كەلگەن توسىن سىندارىنا دايىن ەكەندىكتەرىن كورسەتتى.
