17:03, 13 قاراشا 2014

اسەل جولداسوۆا «جەر ارۋى-2014» بايقاۋىنا قاتىسادى - فوتو

استانا. قازاقپارات - تاياۋدا «جەر ارۋى-2014» حالىقارالىق بايقاۋىنا قازاقستاننىڭ اتىنان كىمنىڭ قاتىساتىنى بەلگىلى بولدى. بايقاۋدىڭ فينالى 29- قاراشادا فيليپپيندە بولادى. بايقاۋدىڭ رەسمي سايتىندا اسەل جولداسوۆانىڭ اتى-ءجونى جازىلدى. اسەل - استانا قالاسىندا تۇراتىن مودەل، كوكشەتاۋدىڭ 2010-جىلعى ءبىرىنشى ۆيتسە-ميسس تيتۋلىنىڭ يەگەرى، «قازاقستان ارۋى-2013» بايقاۋىنىڭ جەڭىمپازى. فيگۋراسىنىڭ ولشەمى - 85-60-87.

باسقا دا حالىقارالىق كونكۋرستارعا قاتىساتىن قازاقستاندىق ارۋلارعا توقتالساق، ازىرشە «الەم ارۋى-2014» بايقاۋىنا «قازاقستان ارۋى-2013» تيتۋلىنىڭ يەگەرى ايداي يسايەۆانىڭ باراتىنى عانا بەلگىلى. ال «الەم ارۋى» كونكۋرسىنىڭ رەسمي سايتىندا قازاقستان بايقاۋعا قاتىساتىن ارۋدى تاڭداماعان ەلدەردىڭ قاتارىندا تۇر.