رەسپۋبليكالىق «جاس ۇلان-2014» اسكەري اندەر فەستيۆالىنىڭ لاۋرەاتتارى ماراپاتتالدى -فوتو
كونگرەسس-حولل ساحناسىنا جىل سايىنعى بايقاۋدىڭ ورىنداۋشىلارى مەن شىعارماشىلىق ۇجىمداردى «ۆوكال»، «فولكلور» «ۆوكالدىق-اسپاپتىق انسامبل» نوميناتسيالارى بويىنشا فينالدىق تىڭداۋدىڭ قورىتىندىسى ناتيجەسىندە انىقتالعان جەڭىمپازدار شىقتى.
اتاپ ايتقاندا، «ۆوكالدىق-اسپاپتىق انسامبل» نوميناتسياسىندا ءبىرىنشى ورىندى اەروۇتقىر اسكەرلەرى 18404 اسكەري ءبولىمىنىڭ ۆوكالدىق توبى جەڭىپ الدى. ال «فولكلور» نوميناتسياسىنداعى ءبىرىنشى ورىن «شىعىس» وڭىرلىك قولباسشىلىعى 40398 اسكەري ءبولىمىنىڭ «شاشۋ» توبىنا بەرىلسە، «ۆوكال» نوميناتسياسىندا ءبىرىنشى ورىنعا «وڭتۇستىك» وڭىرلىك قولباسشىلىعى 03858 اسكەري بولىمىنەن كەلگەن ستارشينا سەيىتقاسىم يمادۋللايەۆ يە بولدى.
جاس تالانتتار - جالپى ءبىلىم بەرۋ مەكتەپتەرى، ليتسەيلەر مەن كوللەدجدەردىڭ وقۋشىلارى دا نازاردان تىس قالمادى. ولار استاناعا ەلىمىزدىڭ تۇكپىر-تۇكپىرىنەن كەلىپ ونەر كورسەتتى. جاس ورىنداۋشىلارعا «جاس ۇلان-2014» XVI رەسپۋبليكالىق اسكەري اندەر فەستيۆالىنىڭ ديپلومدارى تابىس ەتىلدى.
ۇزدىك ورىنداۋشىلىق شەبەرلىگى ءۇشىن جۇلدە قوستاناي وبلىسى قولداسابايەۆ مەكتەبىنىڭ وقۋشىسى لانا ساپيناعا بەرىلدى. پاۆلودار وبلىسى 14№ ورتا مەكتەبىنىڭ وقۋشىسى ستانيسلاۆ بارانوۆ پەن «جاس ۇلان» رەسپۋبليكالىق مەكتەبى 2- روتاسىنىڭ وقۋشىسى ءمادي تەمىرعاليەۆ ەڭ ۇزدىك پاتريوتتىق ءان ورىنداۋشىلار رەتىندە كوتەرمەلەندى. فەستيۆالدىڭ كورەرمەندەر كوزايىمى جۇلدەسى سولتۇستىك قازاقستان وبلىسىنىڭ 17№ ورتا مەكتەبىنىڭ وقۋشىسى ولەگ ديەۆياتكينگە بۇيىردى.
«اۋعانستان جانە وقشاۋ سوعىستار ارداگەرلەرى وداعىنىڭ» جۇلدەسىمەن «ارداگەر» ۆوكالدىق-اسپاپتىق توبى، سونداي-اق رينات شۇكىروۆ ماراپاتتالدى. ولار ق ر ۇ ق ك شەكارا قىزمەتىنىڭ اتىنان ونەر كورسەتكەن بولاتىن.
سونىمەن قاتار قاتارداعى جاۋىنگەر مەرەكە قىرعىزبايەۆ (ۇلتتىق ۇلان) جانە قاتارداعى جاۋىنگەر سۇلتان باقىتجاندار (مەملەكەتتىك كۇزەت قىزمەتى) كوتەرمەلەۋ سىيلىقتارىن الدى. باس جۇلدە - «جاس ۇلان-2014» XVI رەسپۋبليكالىق اسكەري اندەر فەستيۆالىنىڭ گران-ءپريىن سەمەي قالاسى «جاس ۇلان» دارىندى بالالار ليتسەيىنىڭ وقۋشىسى ميرات جاقسىلىقوۆقا ق ر پارلامەنتى ءماجىلىسىنىڭ دەپۋتاتى، حالىق قاھارمانى باقىتجان ەرتايەۆ تابىس ەتتى.
ايتا كەتەيىك، بۇل فەستيۆال قازاقستان قارۋلى كۇشتەرىنىڭ مادەني ومىرىندەگى ماڭىزدى وقيعاعا اينالدى. ءاربىر كونكۋرسقا قاتىسۋشى ءوزىنىڭ شىعارماشىلىق الەۋەتىن اشىپ كورسەتۋگە مۇمكىندىك الدى، ال اسكەري اندەردىڭ تاماشا ورىندالۋى قازاقستان ارمياسى مەن اسكەري قىزمەتتىڭ ابىرويىن ارتتىرۋ ىسىنە ەلەۋلى ۇلەس قوستى.
