گەرمانيا اۋماعىندا بولعان «دالا قىرانى - 2014» بىتىمگەرلىك وقۋ- جاتتىعۋى اياقتالدى- فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
ق ر قورعانىس مينيسترلىگى 2003 - جىلدان بەرى جىل سايىن ۇيىمداستىرىپ كەلە جاتقان بۇل وقۋ- جاتتىعۋ تۇڭعىش رەت قازاقستاننان تىس جەردە ءوتىپ وتىر.
جاتتىعۋ باسشىلىعىنىڭ بايانداۋىنشا، «دالا قىرانىنىڭ» ءمانى تولىقتاي جۇزەگە اسىرىلىپ، بىتىمگەرلىك پروتسەدۋرالارىنىڭ تاجىريبەسىنە وقىتۋ مەن پىسىقتاۋ بويىنشا ءىس- شارالار تابىستى جۇرگىزىلدى.
سونداي- اق، بارلىق اسكەري قىزمەتشىلەردىڭ بىرلەسكەن قيمىلداردان جاقسى داعدى العانى، سونداي- اق جاتتىعۋدا جيناعان ماشىقتارىن ناقتى ىستە كورسەتە الاتىنى، ب ۇ ۇ بىتىمگەرلىك وپەراتسيالارىنا قاتىسۋعا دايار ەكەندىگى اتاپ ءوتىلدى.
الداعى جىلى «دالا قىرانى» حالىقارالىق تاكتيكالىق- ارنايى بىتىمگەرلىك وقۋ- جاتتىعۋىن قازاقستاندا وتكىزۋ جوسپارلانىپ وتىر.
