ءنانجيىڭ-2014: ۇزدىكتەرىمىز جارىس جولىنا ەندى شىعادى

 بايراقتى باسەكەنىڭ ءبىرىنشى كۇنى دزيۋدودان 55 كەلى سالماقتا ەل نامىسىن قورعاعان ساڭلاعىمىز باۋىرجان جاۋىنتايەۆ قازاقستان قورجىنىنا العاشقى التىن مەدالدى سالعان بولاتىن.

كەشە جارىس جولىنا اۋىر اتلەتتەرىمىز شىعىپ، وكىنىشكە قاراي جەرلەستەرىمىز جەڭىس تۇعىرىنا سىنىق سۇيەم جەتپەي قالدى. ناقتىراق ايتساق، زىلتەمىرشى وتانداسىمىز ميحايل ماكەيەۆ ءتورتىنشى ورىندى يەلەندى.

69 كەلىدە باق سىناعان ماكەيەۆ قولا جۇلدەنى يەلەنۋگە بارىنشا تالپىنىپ كوردى. ول جۇلقا كوتەرۋدەن   125 كەلىنى باعىندىردى. ونىڭ ءوزىن ءۇشىنشى مۇمكىندىگىندە عانا پايدالاندى. الدىنداعى ءۇش قارسىلاسى جەرلەسىمىزدەن 7 كەلى ارتىق كوتەردى. ال سەرپە كوتەرۋدەن ءبىرىنشى مۇمكىندىگىندە 153 كەلى كوتەرسە، ەكىنشى جانە ءۇشىنشى مۇمكىندىكتەرىندە 166 كەلىنى باعىندىرا المادى. سونىمەن قاتار وسى كۇنى اۋىر اتلەتشى ارۋلارىمىز دا باق سىناپ، ولاردىڭ ىشىنەن 58 كەلىدە سىنعا تۇسكەن التىناي دامەن جۇلدەلى ورىنعا ءبىر تابان جاقىندادى. ونىڭ كورسەتكىشى 5- ورىن.

سونداي- اق، سپورتتىق گيمناستيكادان ونەر كورسەتكەن جەرلەسىمىز ەربول جانتىقوۆ ون بەسىنشى ورىنمەن شەكتەلدى.

ازىرشە قورجىنىمىزدا 1 التىن مادال بار. وسى ءبىر التىن قازاق ەلىن جالپى ەسەپتە 23- ورىنعا شىعارىپ تۇر. نەگىزگى ءۇمىت ارتقان سپورتشىلارىمىز الداعى كۇندەرى جارىس جولىنا شىعادى. ناقتىراق ايتساق، قازاقستاننىڭ باستى ءۇمىتى سانالاتىن بوكسشىلار مەن بالۋاندار جارىسقا 23- تامىزدان كەيىن شىعادى.

ال دودانىڭ كوشىن 6 التىن، 1 كۇمىس، 6 قولا جەڭىپ العان جارىس قوجايىندارى قىتاي   سپورتشىلارى باستاپ تۇر. ەكىنشى ورىندا   5 التىن، 5 كۇمىس، 3 قولا مەدال ولجالاعان رەسەي سپورتشىلارى يەلەنىپ تۇرسا، ۇزدىك ۇشتىكتى 4 التىن، 3 كۇمىس، 1 قولا مەدال العان يتاليا سپورتشىلارى قورىتىندىلاپ تۇر.

جالپى، قىتايدىڭ نانكين قالاسىندا جاسوسپىرىمدەر اراسىنداعى Ⅱجازعى وليمپيادا ويىندارىندا 14 پەن 18 جاس اراسىنداعى 3800 جاسوسپىرىم سپورتشى باعىن سىناپ جاتىر. نەگىزىنەن جاسوسپىرىمدەر اراسىنداعى وليمپيادا ويىندارىندا جەكەلەي سىنداعى سپورت تۇرلەرىندە ءار ەلگە بەس جولدامادان ارتىق بەرىلمەيدى. بۇل دودانىڭ باستى ەرەكشەلىگى دە - وسى.

ەستەرىڭىزگە سالا كەتەيىك، «اسپاناستى ەلىندە» ءوتىپ جاتقان دودادا ەلىمىزدىڭ نامىسىن 21 سپورت تۇرىنەن 51 سپورتشى قورعاۋدا. ال 2010 - جىلى سينگاپۋردە وتكەن جاسوسپىرىمدەر اراسىنداعى 1 - جازعى وليمپيادا ويىندارىندا ەلىمىزدىڭ اتىنان 47 سپورتشى بارىپ، 20 سپورت تۇرىنەن سىنعا تۇسكەن بولاتىن. وندا قازاقستان قۇراماسى التى مەدال (2 التىن، 2 كۇمىس، 2 قولا) ولجالاپ، جالپى كوماندالىق رەسمي ەمەس ەسەپتە 24- ورىنعا تۇراقتاعان ەدى.

ال بيىلعى ەل نامىسىن قورعايتىن ورەندەرىمىزگە 3 التىن، 3 كۇمىس، 9 قولا مەدال جەڭىپ الۋ ماقساتى قويىلعان.

قازاقستان سپورتشىلارىنىڭ باق سىناپ جاتقان سپورت تۇرلەرى مەن جولدامالار سانى تومەندەگىدەي:

بوكس - 4 جولداما (4 مۇمكىندىكتەن) ؛
 كۇرەس تۇرلەرى - 4 جولداما (5 مۇمكىندىكتەن) ؛
 اۋىر اتلەتيكا - 4 جولداما (مۇمكىندىكتەن) ؛
 ءجۇزۋ سپورتى - 3 جولداما؛
 ۆەلوسپورت - 2 جولداما؛
 قازىرگى بەسسايىس - 2 جولداما؛
 ۇستەل تەننيسى - 2 جولداما؛
 ساداق تارتۋ - 1 جولداما؛
 نىسانا كوزدەۋ - 1 جولداما؛
 استانا قالاسىنداعى وليمپيادالىق دايارلاۋ ورتالىعى - 6 جولداما (بايداركا مەن كانوەدە ەسكەك ەسۋ، كوركەم گيمناستيكا، تاەكۆوندو، جاعاجاي ۆولەيبولى) ؛
 الماتى قالاسىنداعى وليمپيادالىق دايارلاۋ ورتالىعى - 13 جولداما (دزيۋدو، جەڭىل اتلەتيكا، باتۋتتە سەكىرۋ، جاعاجاي ۆولەيبولى، سپورتتىق گيمناستيكا، ترياتلون، سەمسەرلەسۋ).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى