قازاقستان «تانك بياتلونى-2014» الەم چەمپيوناتىندا ۇزدىكتەر قاتارىنان كورىندى- فوتو
بيىلعى كوماندالار اراسىنداعى باسەكەلەستىكتىڭ ايتارلىقتاي جوعارى بولعانىنا قاراماستان قازاقستاندىق تانكىشىلەر جالپى كوماندالىق ەسەپتە قۇرمەتتى ەكىنشى ورىندى يەلەندى (266 ۇپاي) . ءبىرىنشى ورىندا رەسەي فەدەراتسياسىنىڭ كومانداسى (294 ۇپاي) ، ءۇشىنشى ورىندا - قىتاي حالىق رەسپۋبليكاسى (220 ۇپاي) .
ءبىزدىڭ ەكيپاجدارىمىزعا بىلتىرعىداي ءۇش كوماندامەن عانا ەمەس انگولا، ارمەنيا، بەلارۋس، ۆەنەسۋەلا، ءۇندىستان، قىرعىزستان، قىتاي، كۋۆەيت، موڭعوليا، رەسەي جانە سەربيا سياقتى 11 ەلدەن كەلگەن كوماندالارمەن كۇرەسۋگە تۋرا كەلدى. سوندىقتان دا اقتىق سىنعا شىعۋ ءاربىر ەكيپاج ءۇشىن ارمياداعى جاۋىنگەرلىك دايارلىقتىڭ وتە جوعارى دەڭگەيىنىڭ كورسەتكىشى بولىپ تابىلادى.
ەكى اپتا بويى الەم چەمپيوناتىنىڭ ءتۇرلى كەزەڭدەرىندە قازاقستاندىق كوماندا كوماندالىق باسەكەلەستىكتىڭ وسى ءبىر تۇرىندە كوشباسشىلىققا تالاسا الاتىنىن دالەلدەدى. قازاقستاننىڭ ەكيپاجدارى تاماشا جاۋىنگەرلىك دايارلىق دەڭگەيى مەن داعدىسىن، جەڭىسكە دەگەن قۇلشىنىستارىن جانە كوماندادا يىق تىرەسە جۇمىس ىستەي الاتىندارىن كورسەتتى. جارىسقا قاتىسۋشىلاردىڭ بەرگەن باعاسى وسىنداي.
قىتاي حالىق ازاتتىق ارمياسىنىڭ شتاب باستىعى حۋان سيۋ تسۋننىڭ «قازاقستان كومانداسى وسى بىرىنشىلىكتەگى كوماندالاردىڭ ىشىندەگى ۇزدىگى، ول وسى جارىستا ءوز ەلىنە جەڭىس الىپ كەلە الادى، ءبىز سىزدەردىڭ كوماندالارىڭىزدان كوپتەگەن جارىس ەلەمەنتتەرىن ۇيرەنۋىمىز قاجەت» ، - دەپ پىكىر ءبىلدىردى.
رەسەي تانك ەكيپاجىنىڭ مەحانيك- جۇرگىزۋشىسى يگور ارتەميەۆ قازاقستاندىق ەكيپاجداردىڭ قاتىسۋى تۋرالى ءوز اسەرىمەن ءبولىستى. ول: «قازاقستاندىق كوماندامەن باسەكەلەسۋ وتە قيىن. ولار الدىڭعى كەزەڭدەردە جوعارى ناتيجەلەر كورسەتتى. ولاردى لايىقتى باسەكەلەس دەپ سانايمىن» ، - دەيدى.
جارىستىڭ جەڭىمپازدارى مەن جۇلدەگەرلەرىن ر ف قورعانىس ءمينيسترى سەرگەي شويگۋ ماراپاتتادى. بۇدان باسقا، ءبىزدىڭ كوماندامىزعا «كوماندالىق رۋحى ءۇشىن» نوميناتسياسىنىڭ جۇلدەسىن تابىس ەتكەن ماسكەۋ وبلىسىنىڭ گۋبەرناتورى ا. ۆوروبيەۆ موتوتسيكل مەن ەكى سكۋتەردىڭ كىلتىن ۇسىندى.
سونىمەن قاتار «ۇزدىك كوزدەۋشى- وپەراتور - مەرگەن» نوميناتسياسىندا قازاقستاندىق كوماندانىڭ مۇشەسى 3- سىنىپتى سەرجانت اليەۆ بولات ۇزدىك دەپ تانىلدى.
تانك بياتلونى الەم چەمپيوناتى الەمنىڭ ءارتۇرلى ەلدەرى قارۋلى كۇشتەرىنىڭ اسكەري ىنتىماقتاستىعى مەن جاۋىنگەرلىك دوستاستىعىن نىعايتۋعا باعىتتالعان.
