قازاقستان 2014 - جىلى 62,4 ميلليون توننا مۇنايدى ەكسپورتتادى

«وتكەن جىلى مۇناي ەكسپورتى كولەمى 62,4 ميلليون توننانى قۇرادى، ونىڭ ىشىندە 35 ميلليون تونناسى كاسپي قۇبىر جەلىسى كونسورتسيۋمى قۇبىرىنىڭ نەگىزگى ەكسپورتتىق جۇيەسى بويىنشا»، - دەدى ۆەدومستۆو باسشىسى.   

  ۆ. شكولنيكتىڭ سوزىنە قاراعاندا، مۇناي تاسىمالىنىڭ كوپ ۆەكتورلى جۇيەسىن دامىتۋ جالعاسۋدا. ول ءوز كەزەگىندە ەنەرگەتيكالىق قاۋىپسىزدىكتى نىعايتۋعا، تاسىمالداۋ باعدارلارىن ءارتاراپتاندىرۋعا باعىتتالعان.

«سونىمەن قاتار كاسپي قۇبىر جەلىسى كونسورتسيۋمى مۇناي قۇبىرىنىڭ وتكىزۋ قابىلەتىن كەڭەيتۋ جولىمەن جىلىنا 28 ميلليون توننادان 60 ميلليون تونناعا دەيىن، ونىڭ ىشىندە قازاقستاندىق قاتىسۋدى جىلىنا 52 ميلليون تونناعا دەيىن مۇناي تاسىمالدانادى. سوندىقتان دا ءبىز قاشاعاندا وندىرىلگەن مۇناي توقتاۋسىز جانە ءتيىمدى تۇردە الەمدىك نارىققا تاسىمالدانۋىنا دايىندالۋدامىز. وتكەن جىلى 88 شاقىرىم قۇبىردى اۋىستىرۋ بويىنشا بارلىق قۇرىلىس- مونتاجداۋ جۇمىستارى، تەڭىز- اتىراۋ مۇناي قۇبىرىن پايدالانۋعا بەرۋ تۇرعىسىندا شارالار اياقتالدى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى