قازاقستاندىق تانكيستەر «تانك بياتلونى-2014» الەم چەمپيوناتىندا 2- ورىندا تۇر

بيىلعى جىلى تامان ديۆيزياسىنىڭ 2- گۆارديالىق موتواتقىشتار وقۋ-جاتتىعۋ كەشەنىنىڭ اۋماعىندا الەمنىڭ 12 ەلى - انگولا، ارمەنيا، بەلارۋس، ۆەنەسۋەلا، ءۇندىستان، قازاقستان، قىرعىزستان، قىتاي، كۋۆەيت، موڭعوليا، رەسەي، سەربيانىڭ تانكىلىك ەكيپاجدارى سىنعا تۇسۋدە. 20 دان استام ەل چەمپيوناتقا باقىلاۋشىلار دەلەگاتسياسىن جولدادى.

ءار مەملەكەتتەن 4 ەكيپاجدان شىعۋدا - ءۇش نەگىزگى جانە ءبىر قوسىمشا. قاتىسۋشىلاردىڭ بارلىعى دەرلىك Т-72Б  تانكىلەرىندە سىنعا تۇسۋدە. قىتاي اسكەريلەرى وزدەرىنىڭ Тype96А  تانكىلەرىمەن شىققان.

چەمپيونات 4- تامىز كۇنى «جەكە جارىستان» باستالدى. وسى ءبىرىنشى كەزەڭدە قازاقستاندىق تانكيستەر رەسەيلىكتەردەن كەيىنگى 2- ورىنعا تۇراقتادى. ەكىنشى كەزەڭ ەكى جارىستان تۇردى: «سپرينت» جانە «ىزىنە ءتۇسۋ جارىستارى». ەكىنشى كەزەڭنىڭ قورىتىندىسى بويىنشا قازاقستاندىق ەكيپاجدار ءۇشىنشى جانە ءتورتىنشى ورىندارعا يە بولدى.

14- تامىز كۇنى ءۇشىنشى «سپورتتىق» كەزەڭى ءوتتى. وندا قىتاي تانكيستەرى 8- ورىننان ۇشىنشىگە كوتەرىلدى. قازاقستان قۇراماسى بۇل كەزەڭدە 93 ۇپايمەن 2- ورنىن ساقتاپ قالدى.

ءۇش كەزەڭنىڭ قورىتىندىسى بويىنشا، رەسەي ەكيپاجىنىڭ كىشى سەرجانتى مارات حاليكوۆ، لەيتەنانت رينات حاديەۆ، لەيتەنانت پارحات تىنىشتىبايەۆتىڭ قازاقستاندىق ەكيپاجى جەڭىمپاز اتاندى.

فينالدىق ەستافەتاعا ءتورت ەل كىردى: رەسەي - 294 ۇپاي، قازاقستان - 266 ۇپاي، قىتاي - 220 ۇپاي، ارمەنيا - 223 ۇپاي. بۇگىن «ەستافەتا» اقتىق كەزەڭى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى