قازاقستاندا 2014-جىلى 1 مىڭعا جۋىق جەتىم بالا پاتەر الدى
ونىڭ سوزىنە قاراعاندا، بۇل باعىتتا جەتىمدەردىڭ قارجىسىن زاڭسىز يەمدەنۋ، بالالاردىڭ وزدەرىنە تيەسىلى جاردەماقىلار مەن اليمەنتتەردى الماۋى، سونداي-اق بالالاردىڭ باسپانالىق قۇقىقتارىن بۇزۋ سەكىلدى ماسەلەلەر بەلگىلى بولدى.
«تەكسەرىس بارىسىندا وكىلەتتى ورگاندار تاراپىنان كەيبىر كەزدەردە بالالار ۇيلەرىندە تاربيەلەنىپ جاتقانداردىڭ باسپانالارىن ساقتاپ قالۋدى قامتاماسىز ەتۋ بويىنشا قاجەتتى شارالار قابىلدانبايتىندىعى انىقتالدى. بۇل ءوز كەزەگىندە وسى باسپانالاردى زاڭسىز پايدالانۋعا نەمەسە مۇلىكتەن ايىرىلۋ جاعدايلارىنا الىپ كەلەدى»، - دەدى ول.
سونىمەن قاتار جەتىمدەردىڭ بالالار ۇيلەرىنەن تاربيە الىپ شىققاننان كەيىن، ولاردى باسپانامەن قامتاماسىز ەتۋ پروبلەماسى وزەكتى بولىپ وتىر.
«اتاپ ايتقاندا، باس پروكۋراتۋرانىڭ باستاماسىمەن 2013-جىلى ءبىرقاتار نورماتيۆتىك-قۇقىقتىق اكتىلەر جانە زاڭنامالىق اكتىلەرگە تۇزەتۋلەر قابىلداندى. بۇل ءوز كەزەگىندە تۇرعىن ءۇي قاتىناستارى سالاسىندا جەتىم بالالارعا قوسىمشا قۇقىقتار مەن كەپىلدەردى قامتىپ، سونداي-اق وكىلەتتى ورگانداردىڭ لاۋازىمدى تۇلعالارىنىڭ جاۋاپكەرشىلىگىن كۇشەيتىپ وتىر. ناتيجەسىندە وسى ساناتتتاعى بالالارعا مەملەكەتتىك تۇرعىن ءۇي قورىنان ءبىرىنشى كەزەكتە باسپانا الۋ قۇقىعى بەرىلدى»، - دەلىنگەن حابارلامادا.
وسى ورايدا بۇل قۇقىقتى پايدالانا وتىرىپ، 2014-جىلى 950 دەن استام جەتىم بالا پاتەر الدى.
اۆتور: رۋسلان عابباسوۆ
