الەمدە ەكونوميكالىق ءوسۋدىڭ جالپى باياۋلاۋى ورىن العان تۇستا قازاقستان ەكونوميكاسى 2014 -جىلعى 11 اي ىشىندە 4,2 پايىزعا ءوستى

بۇل تۋرالى ق ر ۇكىمەتى مەن ۇلتتىق بانكتىڭ بىرلەسكەن مالىمدەمەسىندە ايتىلدى. «2014 -جىلى قازاقستان ەكونوميكاسىنىڭ دامۋى ءۇشىن سىرتقى فاكتورلاردىڭ ناشارلاعانى بايقالدى.

ۋكراينا توڭىرەگىندەگى وقيعالارعا بايلانىستى الەمدە ەكونوميكالىق ءوسۋ جالپى باياۋلادى جانە گەوساياسي تۇراقسىزدىق ۇلعايدى.

رەسەي جانە ەۋروپالىق وداق (بۇدان ءارى - ە و) ەلدەرى مەن اقش اراسىندا ءوزارا سانكتسيالاردىڭ ەنگىزىلۋى رەسەيدەگى ءوسۋ قارقىنىنىڭ قۇلدىراۋىنا جانە ماكروەكونوميكالىق جاعدايدىڭ تۇراقسىزدانۋىنا اكەپ سوقتىردى.

ا ق ش جالپى ىشكى ءونىمىنىڭ (بۇدان ءارى - ج ءى و) ءوسۋ قارقىنىنىڭ نىعايۋى، سان جاعىنان جەڭىلدەتۋ بويىنشا فەدەرالدىق رەزەرۆتىك جۇيەنىڭ ءۇشىنشى باعدارلاماسىنىڭ توقتاتىلۋى اياسىندا اقش دوللارى نىعايىپ، پايىزدىق مولشەرلەمەلەر جوعارىلاۋدا.

 كورسەتىلگەن فاكتورلاردىڭ ناتيجەسىندە، سونداي- اق ا ق ش- تا تاقتاتاس مۇنايىن ءوندىرۋدىڭ ۇلعايۋى اياسىندا Brent ماركالى مۇنايدىڭ الەمدىك باعاسى 2014 - جىلعى ماۋسىمنىڭ سوڭىنداعى ءبىر باررەل ءۇشىن 155 دوللاردان 2014 - جىلعى 22 - جەلتوقساندا ءبىر باررەل ءۇشىن 63 دوللارعا دەيىن (45,2 پايىزعا) تومەندەدى.

وسىنىڭ اياسىندا قازاقستان ەكونوميكاسى 2014 - جىلعى 11 اي ىشىندە 4,2 پايىزعا ءوستى»، - دەپ جازىلعان مالىمدەمەدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى