ازيادا-2011 شەنەۋنىگى ايدار مۋسين 5 جىل 6 ايعا سوتتالدى
ايدار مۋسين جارىستارعا دايىندىق كەزىندە «2011 -جىلعى VII ازيا ويىندارى ۇيىمداستىرۋ كوميتەتى اتقارۋشى ديرەكتسياسى» ا ق 2011-جىلعى ازيا ويىندارىن اقپاراتتىق قامتاماسىز ەتۋ دەپارتامەنتىنىڭ تەلەراديوحابار تاراتۋ جانە مەدياتەحنولوگيالار باسقارماسى باستىعى لاۋازىمىن اتقاردى. تەرگەۋدىڭ مالىمەتىنشە، 2009-جىلدىڭ تامىزىندا ول Q- Service ج ش س-ءىن قۇرىپ، ونى تۋىستارىنىڭ اتىنا تىركەگەن. كومپانيا شاڭعى ترامپليندەرى كەشەنىندە كەشەنگە ارنالعان تەلەكوممۋنيكاتسيالىق جۇيەلەر جابدىقتارىن جوبالاۋ مەن جەتكىزۋ جونىندەگى جۇمىستاردى ورىنداۋدىڭ تەندەرىن جەڭىپ الىپ، 1,4 ميلليارد تەڭگەنى يەلەندى.
قارجى پوليتسياسىنىڭ مالىمەتىنشە، بۇل سومانىڭ 600 ميلليونى جىمقىرىلعان. ايدار مۋسين ونىڭ ءبىر بولىگىن 2009-جىلى شىققان BMW 750 جانە 2011-جىلى شىققان Mercedes Benz ە-250 اۆتوكولىكتەرىن ساتىپ الۋ جولىمەن زاڭداستىرعان.
سوت ايدار مۋسيندى «الاياقتىق»، «كاسىپكەرلىك قىزمەتكە زاڭسىز ارالاسۋ»، «جالعان كاسىپكەرلىك» باپتارى بويىنشا ايىپتى دەپ تانىدى. وعان مۇلكىن تاركىلەۋمەن بىرگە بەس جىل التى اي مەرزىمگە جازا وتەۋ تۋرالى ۇكىم شىعارىلدى. ەكس-شەنەۋنىك مەملەكەتتىك لاۋازىمدى اتقارۋ قۇقىعىنان ءتورت جىلعا ايىرىلدى. سوت ۇكىمى ءالى زاڭدى كۇشىنە ەنگەن جوق.
اۆتور: دميتري حەگاي
