جىل سايىن ەل كاسىپورىندارىندا ونەركاسىپتىك جاراقاتتان شامامەن 200 ادام كوز جۇمادى - التاي كولگىنوۆ
بۇل تۋرالى ەلوردادا ءوتىپ جاتقان KIOSH 2023 حالىقارالىق كونفەرەنسياسىنا قاتىسقان پرەمەر-ءمينيستردىڭ ورىنباسارى التاي كولگىنوۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستانداعى كاسىپورىنداردا ونەركاسىپتىك جاراقاتتانۋ كورسەتكىشى جوعارى. جىل سايىن 2 مىڭ ادام جاراقات الادى. ونىڭ ىشىندە شامامەن 200 ادام كوز جۇمادى. ماسەلەن، «ۆوستوكتسۆەتمەت» ج ش س- دە ونەركاسىپتىك جاراقاتتانۋ 3 ەسە ءوستى. اتاپ ايتقاندا، 3 ادامنان بىلتىر 18 ادامعا دەيىن جوعارىلادى. بىلتىر «كازتسينك» كومپانياسىندا جاراقات الۋ دەڭگەيى 2 ەسە ارتتى. ياعني، 15 ادامنان 35 ادامعا دەيىن. وتكەن جىلى «ارسەلورميتتال تەمىرتاۋ» ا ق- دا ولىمگە اكەلىپ سوققان جاراقاتتانۋ دەڭگەيى %44 عا وسكەن»، - دەپ توقتالدى التاي كولگىنوۆ.
سونىمەن قاتار ول جۇمىس بەرۋشىلەر تاراپىنان ونەركاسىپتىك قاۋىپسىزدىك ەرەجەلەرىن ساقتاۋعا جانە ونى ازايتۋعا ىقپال ەتەتىن جاعداي جاساۋعا جەتكىلىكتى كوڭىل بولىنبەيتىنىن ايتتى.
