يلون ماسك 200 ميلليارد ا ق ش دوللارىنان ايرىلعان الەمدەگى العاشقى ادام

2022-جىل يلون ماسك ءۇشىن ناعىز سىناق بولدى. كەزىندە عالامنىڭ ەڭ باي ادامى بولعان ي. ماسك «Twitter» - ءدى ساتىپ الدى. سودان سوڭ ءتۇرلى جانجالدارعا تاپ بولىپ، كاپيتالىن كۇرت جوعالتا باستادى.

Bloomberg اگەنتتىگى ەسەپتەگەندەي، ماسكتىڭ بايلىعى 2021-جىلدىڭ قاراشا ايىنىڭ باسىندا 340 ميلليارد دوللاردان استى. ال، بيىل جەلتوقساننىڭ سوڭىندا Tesla اكسيالارىنىڭ كۇرت تومەندەۋىنە بايلانىستى 137 ميلليارد دوللارعا دەيىن تومەندەدى.

«Twitter»- ءدى ساتىپ العاننان كەيىن كاسىپكەر الەۋمەتتىك جەلىنى باسقارۋعا اۋىسىپ، اۆتوموبيل كومپانياسىنا نازار اۋدارۋدى توقتاتتى، سودان كەيىن ينۆەستورلار الاڭداۋشىلىق ءبىلدىردى.

يلون ماسك 200 ميلليارد دوللار بايلىعىنان ايرىلعاسىن، جەر بەتىندەگى ەڭ باي ادام اتاعى Louis Vuitton moet Hennessy حولدينگىنىڭ يەسى بەرنارد ارنوعا بۇيىردى. ونىڭ بايلىعى 162 ميلليارد دوللارعا باعالانادى.

ەسكە سالايىق، Tesla جانە SpaceX نەگىزىن قالاۋشى يلون ماسك الەمدەگى ەڭ باي ادامدار تىزىمىندەگى ءبىرىنشى ورىننان تومەندەپ قالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى