جەتىسۋ وبلىسىنا 200 دەن استام دارىگەر قاجەت
جەتىسۋ وڭىرىندەگى مەديتسينالىق ۇيىمدارعا 82 مامان جۇمىسقا ورنالاسقان.
الايدا وبلىسقا ءالى دە 202 دارىگەر جەتىسپەيدى. ول مامانداردىڭ 157 ءى قالاعا قاجەت بولسا، قالعانى اۋىلدارعا كەرەك.
جەتىسۋ وبلىستىق دەنساۋلىق ساقتاۋ باسقارماسىنىڭ باسشىسى ارمان دجانسەنگيروۆتىڭ ايتۋىنشا، كادر تاپشىلىعى ماسەلەسىن شەشۋ ءۇشىن مامانداردى باسپانامەن قامتۋ، بالالارىن بالاباقشاعا ورنالاستىرۋ سياقتى الەۋمەتتىك قولداۋ قاراستىرىلعان.
«قازىرگى ۋاقىتتا پرەزيدەنت تاپسىرماسى بويىنشا اۋىلدىق دەنساۋلىق ساقتاۋ سالاسىن جاڭعىرتۋ بويىنشا اۋقىمدى جۇمىس اتقارىلىپ جاتىر. وندا دەنساۋلىق ساقتاۋ سالاسىن جاڭعىرتۋ كەلەسى جىلدان باستاۋ الادى. جەتىسۋ وبلىسى بويىنشا جوسپارعا 59 نىسان ەندى. ونىڭ ىشىندە 15 دارىگەرلىك امبۋلاتوريا، 39 فەلدشەرلىك-اكۋشەرلىك پۋنكت جانە 5 مەديتسينالىق پۋنكت بار. سونداي-اق، بيىل وبلىستىڭ 6 اۋدانىندا 12 بلوك-مودۋلدىك كونسترۋكتسيا ورناتىلۋدا. ونىڭ 5 نىسانى قازىرگى ۋاقىتتا قولدانۋعا بەرىلدى. بۇل ورتالىقتار كوكسۋ، ەسكەلدى جانە الاكول اۋداندارىندا ورنالاسقان. قالعان 7 نىسان جەلتوقسان ايىنىڭ باسىنا دەيىن پايدالانۋعا بەرىلەدى» - دەدى ارمان دجانسەنگيروۆ.
سونىمەن قاتار، جەتىسۋ وبلىسىنىڭ مەديتسينالىق مەكەمەلەرىندە «enbek.kz» ەلەكتروندى ەڭبەك بيرجاسى تۇراقتى تۇردە جۇرگىزىلىپ تۇرادى.
ۇسىنىلعان بوس جۇمىس ورىندارىنا ءار اپتا سايىن تالداۋ جانە جاڭارتۋ جۇرگىزىلەدى.
ۇمىتكەردىڭ بىلىكتىلىك دەڭگەيىنە جانە كاسىبي قۇزىرەتتىلىگىنە قويىلاتىن تالاپتارعا سايكەس پەرسونالدى ىزدەۋ جانە ىرىكتەۋ جۇزەگە اسىرىلادى.
بيىل جەتىسۋ وبلىسىنىڭ مەديتسينالىق ۇيىمدارىنا 82 دارىگەر كەلىپ، «enbek.kz» پورتالى ارقىلى قابىلدانعان.
2021-2022-جىلدارى بىلىكتىلىكتى ارتتىرۋ ءۇشىن وبلىس دارىگەرلەرى (اكۋشەر-گينەكولوگتار، انەستەزيولوگتار-رەانيماتولوگتار، نيەۆروپاتولوگتار، پسيحياترلار) تۇركيا، رەسەي، بەلارۋس سياقتى شەت ەلدەردە ءبىلىم العان.
بۇگىنگى تاڭدا وبلىستا 361 مەديتسينالىق ۇيىم كومەك كورسەتەدى.
