ەلورداداعى ەسىل وزەنىنە 200 مىڭعا جۋىق بالىق جىبەرىلەدى

بۇقتىرما ۋىلدىرىق شاشۋ- ءوسىرۋ شارۋاشىلىعىنىڭ ينكۋباتسيالىق سەحتارىنان: 100 مىڭ اق امۋر جانە 96 مىڭنان استام تۇقى بالىعىن وزەنگە شىعارۋ جوسپارلانىپ وتىر.

«اق امۋردى كوبىنەسە «ءشوپ تۇقى» نەمەسە «تابيعي مەليوراتور» دەپ اتايدى. ول سازان تۇقىمداسىنا جاتادى. جوعارى ءوسۋ جىلدامدىعىمەن ەرەكشەلەنەدى - جىل سايىن شامامەن 10 س م. ءىرى بالىقتاردىڭ ۇزىندىعى - 1 م 20 س م، سالماعى - 30-32 ك گ جەتەدى.

اق امۋر - شوپقورەكتى، ول سۋ جانە جەر وسىمدىكتەرىمەن قورەكتەنەدى. ەگەر توعاندا ءشوپ جەتكىلىكسىز بولسا، ونى سۋعا ارنايى لاقتىرادى. جاس بالىقتار قان قۇرتتارىمەن جانە شايان تارىزدىلەرمەن قورەكتەنەدى، ال جەتىلگەننەن كەيىن وسىمدىك تاعامىنا اۋىسادى.

تۇقى - ەتى ءدامدى بولعاندىقتان، تۇتىنۋشىلاردىڭ جوعارى سۇرانىسىنا يە تۇشى سۋ بالىعى. بۇل بالىق كوپ قورەكتەنەدى جانە تەز وسەدى. ولار قامىس وسىندىلەرى، بالىقتار مەن باقالاردىڭ ۋىلدىرىعى، قۇرتتار، شايان تارىزدىلەر جانە جاندىكتەردى قورەك ەتەدى. تاۋارلىق تۇقى سالماعى - 1250-1500 گ. ۇزىندىعى - 39-41 س م. ول تازا سۋدا دا، تۇشى سۋدا دا ءومىر سۇرە الادى»، - دەدى باسقارمادان.

ۇيىمداستىرۋشىلاردىڭ ايتۋىنشا، بالىقتار وزەنگە ارنايى جابدىقتالعان اۆتوموبيلدەرمەن جەتكىزىلەدى.

بالىق جىبەرۋ پروتسەسى استانا اكىمدىگى مەن ءماسليحاتى، ەسىل وبلىسارالىق بالىق شارۋاشىلىعى باسسەيندىك ينسپەكتسياسى، سۋ رەسۋرستارىن پايدالانۋدى رەتتەۋ جانە قورعاۋ جونىندەگى ەسىل باسسەيندىك ينسپەكتسياسى، استانا قالاسى بويىنشا ەكولوگيا دەپارتامەنتى جانە «قازاق ر ى ب ح و ز» بالىقشىلار قوعامدىق بىرلەستىكتەرىنىڭ رەسپۋبليكالىق قاۋىمداستىعى وكىلدەرىنىڭ كوميسسيالىق قۇرامىنىڭ باقىلاۋىمەن جۇزەگە اسىرىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى