قاراعاندى وبلىسىندا 200 مۇعالىمنىڭ ورنى بوس تۇر

وڭىردە فيزيكا، ماتەماتيكا، حيميا جانە ورىس ءتىلى وقىتۋشىلارىنىڭ جەتىسپەۋشىلىگى بايقالادى.

مۇعالىمدەردىڭ تاپشىلىعىنا بايلانىستى كەيبىر مەكتەپ باسشىلارى زەينەتكەرلەرمەن كەلىسىمشارتتى ۇزارتۋعا ءماجبۇر.

«جىل باسىنان بەرى 728 وقىتۋشى قاجەت بولدى. بۇگىن ءبىز 500-گە جۋىق مۇعالىمدى جۇمىسقا قابىلدادىق. كەيبىر مەكتەپتەردە كونكۋرس وتكىزىلەدى. كوپتەگەن مۇعالىمدەر باسقا قالاعا كوشەدى. ءيا، كادر جەتىسپەۋشىلىگى پروبلەماسى بار»، - دەيدى وبلىستىق ءبىلىم باسقارماسىنىڭ باسشىسى گۇلسىم قوجاحمەتوۆا.

سونىمەن قاتار، قارقارالى جانە بۇقار جىراۋ اۋداندارىنىڭ ەكى مەكتەبى اپاتتى جاعدايدا تۇر.

ولاردى قالپىنا كەلتىرۋ جۇمىستارى كەلەسى جىلى عانا باستالاتىندىقتان، وقۋشىلار ەسكى عيماراتتا تاعى ءبىر وقۋ جىلىن وتكىزۋگە ءماجبۇر بولادى.

ۆەدومستۆو باسشىسى وبلىس مەكتەپتەرىنىڭ % 80 كەڭەس وكىمەتى كەزىندە سالىنعانىن جانە بۇگىندە توزعانىن جاسىرمادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى