سەمەيدە 200 گەكتارعا جايىلعان ورمان ءورتى اۋىزدىقتالدى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كەشە تۇسكى ۋاقىتتا «سەمەي ورمانى» رەزەرۆاتىنىڭ جاڭا-سەمەي فيليالى پودگورودنەە ورمانشىلىعىندا ءورت شىققان.

قاتتى جەلدەن قىزىل جالىن لەزدە جايىلىپ كەتتى. ءورتتىڭ جالپى اۋدانى شامامەن 200-250 گەكتار ارالىعىندا.

ابىروي بولعاندا، زارداپ شەككەن ەشكىم جوق.

الدىن الا مالىمەت بويىنشا وتتىڭ شىعۋ سەبەبى - نايزاعايدان بولۋى مۇمكىن.

«ءورتتى سوندىرۋگە دەپارتامەنتتەن، جەرگىلىكتى اتقارۋشى ورگانداردان، ت ج م 68303№ اسكەري بولىمىنەن 399 ادام جانە 85 تەحنيكا جۇمىلدىرىلدى. بۇگىن ساعات 11.00 دە ءتىلسىز جاۋ اۋىزدىقتالدى»، - دەپ حابارلادى ۆەدومستۆو وكىلدەرى.

ەستەرىڭىزگە سالا كەتسەك، وسىعان دەيىن سەمەيدە ورمان ورتەنىپ جاتقانىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى