جىل باسىنان بەرى 200 ميلليونعا جۋىق كيبەرشابۋىل تىركەلگەن

مەملەكەتتىك ينتەرنەت- رەسۋرستارعا قول جەتكىزۋدەگى پروبلەمالار سيفرلاندىرۋ سالاسىنداعى ۇيىمداستىرۋشىلىق جانە تەحنولوگيالىق بازانىڭ كەمشىلىكتەرىن كورسەتتى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر س د ي ا و م اقپاراتتىق قاۋىپسىزدىك كوميتەتىنىڭ ءتوراعاسى رۋسلان ءابدىقالىقوۆ حابارلادى.

ونىڭ ايتۋىنشا، كيبەرقاۋىپسىزدىكتىڭ نەگىزگى پرينسيپتەرى - قۇپيالىلىق، تۇتاستىق جانە قولجەتىمدىلىك بولىپ تابىلادى. سوڭعى اتالعاندارمەن پروبلەمالار تۋىندادى.

«تۇسىنىكتى بولۋى ءۇشىن ايتايىن، ەلەكتروندى ۇكىمەتتى اقپاراتتاندىرۋدىڭ ءاربىر ءىرى وبەكتىسى، بۇل قارجى سەكتورىنا دا قاتىستى، ۇنەمى ءتۇرلى كيبەرشابۋىلداردىڭ ىقپالىندا بولادى، جىل سايىن اقپاراتتىق قاۋىپسىزدىكتىڭ ميللياردتاعان وقيعاسى تىركەلەدى، بيىلعى جىلى شامامەن 4 ميلليارد وقيعا جانە ميلليونداعان كيبەرشابۋىل - شامامەن 200 ميلليون شابۋىل تىركەلگەن. وسى تۇراقتى تەرىس اسەرلەردەن باسقا، پاندەميا كەزىندە جانە قاشىقتان جۇمىس ىستەۋگە كوشۋ كەزەڭىندە سيفرلىق ينفراقۇرىلىمعا تۇسكەن جۇكتەمە كۇرت ارتتى، ءبىز بۇعان دايىن بولماي شىقتىق»، - دەدى سپيكەر.

www.egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى