ماقتاارال اۋدانىنا 200 تونناعا جۋىق ازىق-تۇلىك جەتكىزىلدى

جومارت جۇرەكتى ازاماتتار ەلىمىزدىڭ تۇكپىر-تۇكپىرىنەن قارجىلاي جانە گۋمانيتارلىق كومەك جولداۋدا، دەپ حابارلايدى تۇركىستان وبلىسى اكىمىنىڭ باسپا ءسوز قىزمەتى .

باسپا ءسوز مالىمەتتەرىنە قاراعاندا، قازىردىڭ وزىندە اتاكەنتتەگى ارنايى دايىندالعان قويماعا 200 تونناعا جۋىق ازىق-تۇلىك قورى جينالدى .

ۇن، كۇرىش، ماي جانە كيىم-كەشەك پەن كۇندەلىكتى قولدانىسقا قاجەتتى زاتتار ماقتاارال اۋدانىنداعى 12 ەۆاكۋاتسيالىق ورتالىققا جايعاستىرىلعان تۇرعىندارعا كۇندەلىكتى تاراتىلۋدا .

سونداي-اق، تۋعان تۋىستارىنىڭ ءۇيىن ۋاقىتشا پانالاپ جۇرگەن ازاماتتارعا ازىق-تۇلىك اتاكەنتتەگى 9№ جالپى ورتا مەكتەبى مەن ۆ. كاماروۆ اتىنداعى مەكتەپتە ۇلەستىرىلۋدە .

جامبىل وبلىسى مىرزاشول حالقىنا العاش بولىپ 30 تونناعا گۋمانيتارلىق كومەك الىپ كەلگەن بولاتىن .

«حالىق بانكىنىڭ» «حالىق» قورى 50 توننا، «Nur- Otan» پارتياسى 40 توننا ازىق-تۇلىك جەتكىزدى .

ال، تۇركىستان وبلىستىق ءماسليحاتى مەن اۋداندىق ءماسليحات دەپۋتاتتارى تاراپىنان 21 ميلليون تەڭگەگە قاجەتتى زاتتار الىنىپ، تاسقىن سۋدان زارداپ شەككەن تۇرعىندارعا قولداۋ كورسەتىلىپ وتىر .

ارىس، بايدىبەك، تولەبي، قازىعۇرت، سارىاعاش، شاردارا، كەلەس، وتىرار، تۇركىستان جانە سايرام اۋدانداردىڭ ءارقايسىنان 5-10 تونناعا كولەمىندە ازىق-تۇلىك جەتكىزىلدى .

تاياۋ كۇندەرى ماقتاارال اۋدانىنىڭ حالقىنا پاۆلودار، قىزىلوردا، وبلىستارىنان دا كومەك كەلمەكشى .

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى