تۇركىستاندا قازىلعان ورعا تۇسكەن 200 گە تارتا جانۋار قۇتقارىلدى
وتكەن ايدا تۇركىستان وبلىسىنا جاسالعان عىلىمي ەكسپەديتسيا بارىسىندا عالىمدار توبى جاڭادان قازىلعان ەكى مەترلىك شۇڭقىرعا ءتۇسىپ قالعان جۇزدەگەن باۋىرىمەن جورعالاعىش پەن قوسمەكەندىلەردى تاپقان. ونداعان شاقىرىمعا سوزىلعان ور فەرمەرلىك شارۋاشىلىقتاردىڭ بىرىنە مال كىرىپ كەتپەۋ ءۇشىن قازىلعان بولۋى كەرەك.
قازىلعان وردان ورتاازيالىق تاسباقالار، سارىجىلاندار (قازاقستاننىڭ قىزىل كىتابىنا ەنگىزىلگەن)، شىعىس جىلاندارى، جاسىل باقالار مەن ءتۇرلى-ءتۇستى كەسىرتكەلەر تابىلعان. جانۋارلار مەن جاندىكتەردىڭ 10 پايىزى ولگەن. ەكى مەترلىك ورعا ءتۇسىپ كەتكەن ولار اشتان قىرىلىپ قالعان. ەكسپەديتسياعا قاتىسۋشىلار جانۋارلار مەن جاندىكتەردىڭ ءبارىن سىرتقى شىعارىپ، وردان الىس اۋماققا جىبەردى.
«تابىلعان جانۋارلاردىڭ كوبى ورتاازيالىق تاسباقالار (174). سارىجىلانداردىڭ دا 91 ى قۇتقارىلدى. بۇلاردى ءبىز قۇتقارىپ العانىمىزبەن، ماسەلە شەشىلگەن جوق - كۇنى ەرتەڭ قايتادان ءتۇسىپ كەتكەندەر قۇتقارىلا الماي قالاتىنى انىق»، - دەدى ەكسپەديتسياعا قاتىسۋشىلاردىڭ ءبىرى، ق ب س ق قىزمەتكەرى ءارى «ورتالىق ازيا شولدەرى بويىنشا باستامالار» جوباسىنىڭ ۇيلەستىرۋشىسى ۆلاديمير تەرەنتيەۆ.
اتالعان جاعداي - ادامنىڭ شارۋاسىنا بولا ويلاستىرىلماعان جۇمىس جابايى جانۋارلاردىڭ ومىرىنە ءقاۋىپ توندىرەتىنىن انىق كورسەتىپ وتىر. بولعان وقيعانىڭ ءبارى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنە جولدانعان.
