شىمكەنتتە 200 مىڭ تەڭگە تاۋىپ العان ايەل اقشانى يەسىنە قايتارىپ بەردى
«وقيعا 22 -شىلدەدە بولعان. شىمكەنت قالاسىنىڭ قوناعى نازار مۇحامەتقالي 200 مىڭ تەڭگەسىنە جوعالتىپ العان. شاشتارازدان شىققان ول ۆەلوسيپەدىنە ءمىنىپ ۇيىنە قايتقان كەزىندە ءاميانىن ءتۇسىرىپ العان. ۇيىنە كەلگەن سوڭ عانا اقشاسىن جوعالتىپ العانىن ءبىراق بىلگەن. ەر ادام اقشاسىن ىزدەپ اۋرەگە تۇسپەگەن. تابىلمايدى دەپ ويلاعان»، - دەلىنگەن حابارلامادا. شاشتارازدىڭ ماڭىنان ءوتىپ بارا جاتقان ايەل اقشاسى بار ءامياندى تاۋىپ العان. ول مەكەمەنىڭ باسشىلىعىنا كەلىپ جاعدايدى ءمالىم ەتكەن. ءاميان يەسىن قايىرىمدى ادامدار ۆيدەوكامەرا جازبالارىن قاراپ وتىرىپ تاپتى.
«مەن اقشامدى ءتۇسىرىپ العانىمدى بايقاماي قالدىم. ونى بانكوماتتان شەشىپ العان ەدىم. بۇل مەنىڭ ءبىر ايلىق وتباسىلىق تابىسىم. ونى ىزدەۋگە قۇلقىم بولمادى، تابىلارىنا سەنبەدىم. الايدا ارادا التى ساعات وتكەن سوڭ سالوننان حابارلاسىپ، اقشامدى قايتاراتىنىن جەتكىزدى»، - دەيدى نازار مۇحامەتقالي.
اقشانى قايتارعان ايەل اتى-ءجونىن ايتۋدان باس تارتقان. تىلشىمەن تەلەفون ارقىلى تىلدەسكەن ول «وسىنداي ءىستى ءاربىر شىمكەنتتىك جاسايدى» دەپ ءمالىم ەتتى.
