قازاقستان قىتايلىق ا ە س- تەر ءۇشىن جىلىنا 200 توننا يادرولىق وتىن وندىرمەك
دەپ حابارلايدى قازاقپارات كاسىپورىننىڭ قوعاممەن بايلانىس دەپارتامەنتىنە سىلتەمە جاساپ.
جۇمىس ناتيجەلەرى، الداعى جوسپارلار مەن مىندەتتەر تۋرالى ۇلتتىق اتوم كومپانياسىنىڭ باسقارما ءتوراعاسى اسقار جۇماعاليەۆ، سونداي- اق سالالىق باعىتتار بويىنشا باس ديرەكتورلار باياندادى.
«كومپانيا ءۇشىن بۇل ترانسفورماتسيا اياسىندا وزگەرۋدىڭ العاشقى جىلى. الايدا وسى قىسقا ۋاقىت ىشىندە اتقارىلعان ءبىرقاتار جوبالار وندىرىستىك- قارجىلىق وڭ كورسەتكىشتەرىمىزدى ساقتاپ قالۋمەن قاتار، ولاردىڭ وسۋىنە دە مۇمكىندىك بەردى. ناقتى ايتقاندا، بۇگىندە ءبىز كومپانيانىڭ تازا تابىسىن بىلتىرمەن سالىستىرعاندا 2,5 ەسەگە ۇلعايتۋعا قول جەتكىزدىك»، - دەدى اسقار جۇماعاليەۆ.
2016 - جىلى قاز اتوم ونەركاسىپتە بيزنەس- ۇدەرىستەر قايتا قارالىپ، جاڭا ۇيىمدىق قۇرىلىم بەكىتىلدى، ءوندىرىستى ءارتاراپتاندىرۋ جانە اۆتوماتتاندىرۋ، بەيىندى ەمەس اكتيۆتەردى جەكەشەلەندىرۋ ۇدەرىستەرى ارتتى، سونداي- اق سەرىكتەستەرمەن ءوزارا ءتيىمدى ءىس- ارەكەتتەر كۇشەيتىلدى.
اتاپ ايتقاندا، قاز اتوم ونەركاسىپ قىتايلىق سەرىكتەستەرمەن بىرگە ج ب ق شىعاراتىن زاۋىت قۇرىلىسى جوباسىن ىسكە اسىرۋعا كىرىستى. كاسىپورىن قىتايلىق ا ە س- تەرگە ارناپ جىلىنا 200 توننا يادرولىق وتىن وندىرەتىن بولادى.
سونىمەن قاتار، 2016 - جىلى شەتەلدىك سەرىكتەستەرمەن ماڭىزدى كەلىسىمدەرگە قول قويىلدى. قاز اتوم ونەركاسىپ پەن «سامەسو» كومپانياسى «ينكاي» ب ك» ج ش س قايتا قۇرىلىمداۋدى جانە 2018 - جىلى بىرىككەن كاسىپورىنداعى قازاتوم ونەركاسىپتىڭ ۇلەسىن 40 پايىزدان 60 پايىزعا ۇلعايتۋعا، «روس اتوممەن» قازاقستان- رەسەي ىنتىماقتاستىعىنىڭ كەشەندى باعدارلاماسىن ورىنداۋعا جانە «ۋران بايىتۋ ورتالىعى» ج ا ق- تى زالالسىزدىققا شىعارۋعا كەلىستى. CGNPC كورپوراتسياسىمەن بولعان كەلىسىم 2024 -جىلعا دەيىن قىتايلىق ا ە س- تەر ءۇشىن قازاقستاندىق وتىن تابلەتكالارىن ساتىپ الۋدى كوزدەيدى.
پيلوتتىق جوبا اياسىندا قاز اتوم ونەركاسىپتىڭ ءوندىرۋشى كاسىپورنى «قاز اتوم ونەركاسىپ- ساۋران» ج ش س- دە «ساندى كەنىش» جۇيەسى ىسكە قوسىلدى. تاجىريبە كورسەتكەندەي، ونى ەنگىزۋدىڭ ارقاسىندا جابدىقتاردى دياگنوستيكالاۋ ۋاقىتى 14-تەن 2 كۇنگە دەيىن قىسقاردى، سونداي- اق ەلەكتر ەنەرگياسىن تۇتىنۋ، ماتەريالدار مەن راەگەنتتەردى پايدالانۋ 10 پايىز ازايدى، ۇڭعىمانىڭ تومەندەتىلگەن ۋاقىتى 3 ەسەگە كەمىدى. 2017 -جىلى بۇل جۇيەنى ەنگىزۋ كومپانيانىڭ باسقا دا ەنشىلەس كاسىپورىندارىندا قولعا الىنادى.
ايتا كەتەرلىك ءجايت، ءوندىرىستىڭ وزىندىك قۇنىن قىسقارتۋ جونىندەگى كەشەندى ءىس- شارالار شەڭبەرىندە 2016 - جىلدىڭ قورىتىندىسى بويىنشا، ەكونوميكالىق تيىمدىلىك 13 ميلليارد تەڭگەنى قۇرادى.
سونىمەن بىرگە، قازاتومونەركاسىپ «TH Kazakatom AG» ترەيدينگ كومپانياسىن تىركەۋ ۇدەرىسىن اياقتادى. كليەنتتەرگە جاقىن بولۋ، مامىلەلەر شارتتارىن انىقتاۋ كەزىندەگى ساتۋلاردىڭ يكەمدىلىگى جانە نارىقتىڭ وزگەرۋىنە شۇعىل ارەكەت ەتۋ كومپانيانىڭ ماركەتينگ قىزمەتىن ەداۋىر كۇشەيتۋگە مۇمكىندىك بەرەدى.
«قازاتوم ونەركاسىپ» ۇ ا ك» ا ق- نىڭ قۇنىن ۇلعايتۋ ماقساتىندا كومپانيا قۇرامىنان 20 بەيىندى ەمەس كاسىپورىن شىعارىلدى، سونىمەن قاتار 13 ە ت ۇ كەڭسەلەرى الماتىدان قازاقستاننىڭ وڭتۇستىگىندەگى ۋران ءوندىرۋشى وڭىرلەرگە كوشىرىلدى.
ترانسفورماتسيالاۋ باعدارلاماسىن ىسكە اسىرۋدىڭ شەشۋشى ەلەمەنتى - كادرلىق ساياسات. قىزمەتكەرلەردى كونكۋرستىق ىرىكتەۋدىڭ، جاڭا ۇيىمدىق قۇرىلىمنىڭ ەنگىزىلۋى جانە كەشەندى ءبىلىم بەرۋ باعدارلاماسىنىڭ بەكىتىلۋى قاز اتوم ونەركاسىپكە بىلىكتى مامانداردىڭ اعىلۋىن، لايىقتى ەڭبەك جاعدايى مەن جالاقىنى، مانساپتىق ءوسۋ مۇمكىندىگىن قامتاماسىز ەتەدى.
ترانسفورماتسيا اياسىندا ازىرلەنگەن بارلىق باستامالار مەن ۇدەرىستەر 26 جوبانى قامتيتىن قورجىنعا ەنگىزىلدى، ولاردى جۇزەگە اسىرۋ 2018 - جىلعا قاراي اياقتالۋى ءتيىس. جوبالار 2025 -جىلعا قاراي قاز اتوم ونەركاسىپكە 130 ميلليارد تەڭگەدەن استام ەكونوميكالىق تيىمدىلىك بەرەدى دەپ جوسپارلانعان.
«قاز اتوم ونەركاسىپ» ۇ ا ك» ا ق ترانسفورماتسيا باعدارلاماسىنا ورتالىق اپپاراتپەن قاتار 12 ە ت ۇ تارتىلعان، بۇل - حولدينگتىڭ 19 مىڭنان استام قىزمەتكەرى.
