قازاقستاندا 200 دەن استام شەتەلدىك ءتىن جاسۋشالارىن قولدانۋ ارقىلى ەم الدى

  دەپ حابارلايدى قازاقپارات.  

ونىڭ ەسكە سالىپ وتكەنىندەي، 7-8 جىل بۇرىن مەملەكەت باسشىسىنىڭ تاپسىرماسىمەن استانادا مەديتسينالىق كلاستەر قۇرىلعان بولاتىن. اباي بايگەنجيننىڭ سوزىنە قاراعاندا، وسىنىڭ ارقاسىندا قازاقستاندا العاش رەت ادام مۇشەسىن اۋىستىرۋ جانە ءتىن الماستىرۋ وپەراتسيالارى ءساتتى قولدانىلۋدا. سوڭعى ءۇش جىلدا ەلىمىزدە بۇيرەك، باۋىر، جۇرەك، وكپە جانە جۇلىندى اۋىستىرۋ بويىنشا مىڭنان استام وتا جاسالدى.

«جاقىندا عانا ۇلتتىق كارديوحيرۋرگيالىق ورتالىق ماماندارى «جۇرەك- وكپە» الماستىرۋ بويىنشا كەشەندى وپەراتسيانى ءساتتى جاساپ شىقتى»، - دەپ اتاپ ءوتتى ول.

 سونىمەن قاتار اباي بايگەنجين 2003 -جىلدان بەرى قالپىنا كەلتىرۋ مەديتسيناسىنىڭ بىرەگەي سالاسى - جاسۋشا الماستىرۋ وڭ ناتيجەلەر بەرىپ جاتقاندىعىن حابارلادى. ونىڭ مالىمەتتەرى بويىنشا، وسى جىلدار ارالىعىندا باۋىر سيرروزى، قانت ديابەتى، جۇيكە جۇيەسى، سكلەروز اۋرۋىنىڭ اۋىر فورمالارىنا دۋشار بولعان 6 مىڭ پاتسيەنت ءساتتى ەمدەلىپ شىققان. التسگەيمەر، پاركينسون جانە وزگە دە اۋرۋلاردى ەمدەۋدە وڭ ناتيجەلەرگە قول جەتكىزىلدى.

 «2010 مەن 2016 -جىلدار ارالىعىندا ا ق ش، قىتاي، كۋۆەيت، ءۇندىستان، ب ا ءا، ساۋد ارابياسى، رەسەي، سينگاپۋر ەلدەرىنەن 200 دەن استام شەتەل ازاماتى ءتىن جاسۋشالارىمەن قولدانۋ ارقىلى ناتيجەلى ەم- دوم قابىلدادى»، - دەپ ءتۇيدى ويىن ا. بايگەنجين.    

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى