بەيجىڭ 200 مىڭ كولىكتى جولدان الىپ تاستايدى

بۇل تۋرالى بەيجىڭ قورشاعان ورتانى قورعاۋ مۋنيتسيپالدىق بيۋروسى باستىعىنىڭ ورىنباسارى فان لي مالىمدەدى.

ونىڭ ايتۋىنشا، بيلىك ديزەلمەن جۇرەتىن كولىكتەردى جانە قۇرىلىس قوقىسىن تاسيتىن اۆتوموبيلدەردى باستى نازارعا الادى.

بۇدان باسقا، بيلىك قالانىڭ شىعىس جانە باتىس اۋداندارىندا كومىر تاسىمالداۋ، ساتۋ مەن تۇتىنۋعا تىيىمدى قاتاڭداتۋدى جوسپارلاۋدا. بەيجىڭگە جاقىن ورنالاسقان 400 ەلدى مەكەن گازعا كوشىرىلدى.

بەيجىڭ جانە وعان جاقىن ەلدى مەكەندەر اۋا ساپاسىن جاقسارتۋ، كوشەنىڭ شاڭدانۋىنىڭ الدىن الۋ ماقساتىندا 2020 -جىلعا دەيىن كومىر پايدالانۋدى توقتاتاتىن بولادى.

بۇدان بۇرىن حابارلانعانداي، بەيجىڭ بيلىگى 2016 -جىلى اۋاداعى PM 2.5 زياندى زاتتار شوعىرىن 5 پايىزعا تومەندەتۋدى، اۋا ساپاسىن باقىلايتىن ستانسالار سانىن 35 تەن 60-70 كە كوبەيتۋدى جوسپارلاۋدا. قىتايلىق استانا بيلىگى وسى جىلى قورشاعان ورتانىڭ لاستانۋىمەن كۇرەسكە 16,5 ميلليارد يۋان (2,5 ميلليارد دوللار) جۇمساماقشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى