بورتىندا 200 دەن استام ادام بولعان رەسەيلىك ۇشاق مىسىردا اپاتقا ۇشىرادى

Sky News Arabia تەلەارناسىنىڭ حابارلاۋىنشا، رەسەيدىڭ اۋە كەمەسىنىڭ ىشىندە 212 ادام بولعان، دەپ جازادى ت ا س س.

ۇشاق تاڭەرتەڭ شارم-ەش-شەيح اۋەجايىنان ۇشىپ شىققان. قازىرگى كەزدە ونىڭ قۇلاعان جەرىن ىزدەۋ جۇمىستارى جۇرگىزىلىپ جاتىر. وقيعاعا بايلانىستى مىسىر پرەمەر-ءمينيسترى شەريف ىسمايىل يسمالياعا جۇمىس ساپارىن توقتاتتى.

Reuters اگەنتتىگىنىڭ حابارلاۋىنشا، مىسىردا شارم-ەش-شەيحتەن سانكت-پەتەربورعا باعىت الىپ، ۇشىپ شىققاننان كەيىن 23 مينۋتتان سوڭ رادارلاردان جوعالعان ۇشاقتىڭ بورتىندا 212 ادام بولعان.

ال ر ي ا نوۆوستي ۇشاق ىشىندە بارلىعى 224 ادامنىڭ بولعانى تۋرالى حابارلاۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى