قىتايدان ەلىمىزگە 200 كەلىدەي زاڭسىز ءدارى- دارمەك وتكىزبەك بولعان
ءبىرىنشى جاعدايدا، جوعارىدا اتالعان بەكەتتىڭ شەكارالىق باقىلاۋشىلارى حالىقارالىق شەكارالىق ىنتىماقتاستىق ورتالىعىنان ءبىزدىڭ ەلىمىزگە كەلە جاتقان 33 جاستاعى قازاقستان ازاماتشاسىن ۇستادى. ول كوز قىستى، بارماق باستى جولمەن سالماعى 200 كيلوگرامداي ءدارى- دارمەكتەردى (قىتايدا شىعارىلعان) الىپ وتۋگە تىرىستى.
ەكىنشى جاعدايدا، شەكارالىق جانە كەدەندىك باقىلاۋدان وتكەن سوڭ قىتاي حالىق رەسپۋبليكاسىنان ءبىزدىڭ ەلىمىزگە كەلە جاتقان «اسەم» ەسىمدى ازاماتشا ۇستالدى. اتالعان وتانداسىمىز تەكسەرۋدەن وتە سالىسىمەن «قازپوشتا» اكسيونەرلىك قوعامىنىڭ جەرگىلىكتى بولىمشەسىنە قاراي قۇستاي ۇشادى. بۇدان كەيىن ول ازاماتشانىڭ «اۋدي-100» اۆتوماشيناسىن تەكسەرگەن كەزدە جاريالانباعان 24 دانا قوراپ جۇكسالعىشتان شىعا كەلدى. قوراپتاردىڭ ىشىندەگىسى «HD X tender» تەلەديدارىنىڭ جابدىقتارى ەكەن. از ەمەس، جالپى سانى 506 دانا بولىپ شىقتى.
ءۇشىنشى جاعدايدا دا، شەكارالىق جانە كەدەندىك باقىلاۋدان وتكەن سوڭ قىتاي حالىق رەسپۋبليكاسىنان ءبىزدىڭ ەلىمىزگە كەلە جاتقان قازاقستان ازاماتى ۇستالدى. ول دا ءدال وسىنداي جولمەن «اۋدي-100» اۆتوموبيلىمەن جاريالانباعان ءبىر قوراپ الىپ وتپەك بولعان. قوراپتان «HD» دەپ اتالاتىن سىرتقى باقىلاۋ كامەرالارى شىقتى. جالپى سانى - 16 دانا ەكەن.
جاريالانباعان تاۋارلاردىڭ بارلىعىن شەكاراشىلار جەرگىلىكتى كەدەن بەكەتىنىڭ قىزمەتكەرلەرىنە اكتى بويىنشا تاپسىردى، دەپ حابارلايدى ق ر ۇ ق ك ش ق باسپا ءسوز قىزمەتى.
