استانادا مامىر مەرەكەلەرىنە وراي 200 دەن استام شارا وتەدى
دەپ حابارلايدى astana.kz.
استانا قالاسى مادەنيت باسقارماسىنىڭ حابارلاۋىنشا، 10 - ءساۋىر مەن 10 - مامىر ارالىعىندا ەلوردامىزدا ءتۇرلى مادەني باعدارلامالار ۇيىمداستىرىلادى، استانالىقتار مەن قالا قوناقتارى كونسەرتتەر، كورمەلەر مەن تەاتر قويىلىمدارىنا بارا الادى. مەرەكەلەرگە وراي استانادا پاتريوتتىق اكسيالار، ەسكەرتكىشتەرگە گۇل شوقتارىن قويۋ راسىمدەرى، حالىقتىق سەرۋەندەر دە كەڭىنەن وتكىزىلەدى.
جالپى، قالادا ءتۇرلى دەڭگەيدەگى 200 دەن استام شارا، سونىڭ ىشىندە 35 ءىرى مادەني شارا وتپەك.
قازاقستان حالقىنىڭ بىرلىگى كۇنىن اتاپ ءوتۋ اياسىندا ەلوردادا «بايتەرەك» مونۋمەنتى، «ستۋدەنتتىك»، «عاشىقتار» ساياباقتارىندا، قالالىق اكىمدىك الدىنداعى الاڭدا، ەسىل وزەنىنىڭ جاعالاۋىندا جانە «جاستار» سارايىنىڭ الدىندا حالىقتىق سەرۋەندەر ۇيىمداستىرىلادى. ايماقتىق ەتنومادەني بىرلەستىكتەر دە وزدەرىنىڭ شىعارماشىلىق ونەرلەرىن ورتاعا سالادى.
1 - مامىر كۇنى كونسەرتتىك باعدارلاما ساعات 11:00-23:00 ارالىعىندا ءوتىپ، وتشاشۋمەن اياقتالادى. اتاپ ايتقاندا، تۇنگى وتشاشۋ ەسىل وزەنىنىڭ جاعالاۋىندا، «حان شاتىر» س و و اۋماعىندا، «ارمان» دۇكەنىنىڭ ماڭىنداعى «جاس باتىر» ستاديونىندا، «Music hall» مەيرامحاناسىنىڭ جانىندا جانە ابىلاي حان داڭعىلى مەن پۋشكين كوشەسىنىڭ قيىلىسىنداعى گۇلزاردا ۇيىمداستىرىلادى.
