كولىك پوليتسەيلەرى كوشى-قون زاڭناماسىن بۇزعان 200 دەن اسا شەتەلدىكتى اكىمشىلىك جاۋاپكەرشىلىككە تارتتى
بۇل تۋرالى كولىكتەگى ءى ءى د باسپا ءسوز قىزمەتىنەن حابارلادى.
دەپارتامەنتتىڭ كوشى-قون پوليتسيا باسقارماسىنىڭ باستىعى عاني شىمىربايەۆتىڭ ايتۋىنشا، جىل باسىنان بەرى ەلىمىزدىڭ كولىك پوليتسەيلەرى كوشى-قون زاڭناماسىن بۇزۋ بويىنشا 5 قىلمىستىق ءىس قوزعادى، ونىڭ 3 ەۋى ق ر مەملەكەتتىك شەكاراسىن قاساقانا زاڭسىز كەسىپ وتۋگە (ق ر ق ك 392-بابى) ، 2 ءۋى ق ر اۋماعىنان تىسقارى شىعارىپ جىبەرۋ تۋرالى سوتتىڭ شەشىمىن ورىنداماۋعا (ق ر ق ك 393-بابى) قاتىستى.
ماسەلەن، اعىمداعى جىلدىڭ 18- اقپانىندا وتكەن «قاۋىپسىز ۆوكزال» جەدەل الدىن الۋ شاراسى بارىسىندا استانا قالاسىنىڭ اۋەجايىندا استانا اۋەجايىنداعى جەلىلىك پوليتسيا ءبولىمى كوشى-قون پوليتسياسى توبىنىڭ قىزمەتكەرلەرى 44 جاستاعى ق ح ر ازاماتىن ۇستادى. اتالعان ازامات اكىمشىلىك جاۋاپكەرشىلىككە تارتىلىپ، الماتى قالاسىنىڭ مامانداندىرىلعان اكىمشىلىك سوتىنىڭ قاۋلىسىنا سايكەس ق ر اۋماعىنان تىسقارى شىعارىپ جىبەرۋ تۋرالى شەشىم قابىلدانعان بولاتىن. الايدا، ۇستالعان ازامات شىعارىپ جىبەرۋ تۋرالى سوت شەشىمىن ورىنداماعان.
قازىرگى ۋاقىتتا ق ر ق ك- ءنىڭ 393-بابىنا سايكەس (ق ر اۋماعىنان تىسقارى شىعارىپ جىبەرۋ تۋرالى شەشىمدى ورىنداماۋ) سوتقا دەيىنگى تەرگەۋ امالدارى جۇرگىزىلۋدە.
سونداي-اق، قازاقستان رەسپۋبليكاسىندا شەتەلدىكتەردىڭ بولۋ قاعيدالارىن بۇزعان 268 شەتەلدىك اكىمشىلىك جاۋاپكەرشىلىككە تارتىلدى، ونىڭ 180 ءى ت م د ازاماتتارى، 48 ءى الىس شەتەل ازاماتتارى.
سوت قاۋلىسىمەن 36 قۇقىق بۇزۋشى ق ر اۋماعىنان تىسقارى شىعارىلدى (ت م د-30, ا ش-6)
«دەپارتامەنتتىڭ قىزمەت كورسەتۋ اۋماعىندا قۇقىقتىق ءتارتىپتى قامتاماسىز ەتىپ، ق ر كوشى-قون زاڭناماسىن بۇزۋعا جول بەرمەۋ جانە زاڭسىز كوشى-قون ارنالارى مەن ولاردى ۇيىمداستىرۋشىلاردىڭ جولىن كەسۋ ماقساتىندا تاياۋ ارالىقتا «ميگرانت» جەدەل-الدىن الۋ شاراسىن وتكىزۋ جوسپارلانۋدا»، - دەدى ع. شىمىربايەۆ.
