ىشىندە 200 جولاۋشىسى بار كەمە جوعالىپ كەتتى
ول پارە- پارەدەن (وڭتۇستىك سۋلاۆەسي پروۆينتسياسى) تاندجۋنگ (شىعىس كاليمانتان پروۆينتسياسى) كەمەجايىنا ءجۇزىپ كەلە جاتقان.
قولدا بار مالىمەتتەر بويىنشا، جوعالىپ كەتكەن تەپلوحودتىڭ ىشىندە 197 جولاۋشى بولعان.
«كەمەنىڭ پارە-پارەدەن كەمەجايدا تىركەلمەي شىعىپ كەتكەنى بەلگىلى. پارە- پارە - تاندجۋنگ باعىتىمەن جۇرەتىن سولاي اتالاتىن بىردە-ءبىر كەمە جوق»، - دەپ مالىمدەدى يندونەزيانىڭ باليكپاپان كەمەجايىنىڭ ىزدەۋ- قۇتقارۋ قىزمەتىنىڭ باسشىسى حەندرا ساديرمان (Hendra Sudirman).
قۇتقارۋشىلار كەمە تۋرالى اقپاراتتى تەكسەرۋ ءۇشىن باسقا كەمەجايلارمەن، ءتىپتى سەنگاگا اسكەري-تەڭىز بازاسىمەن حابارلاسقان. الايدا «تارۋنا ماكمۋر» تۋرالى ەشكىمنىڭ دە رەسمي اقپاراتى جوق بولىپ شىقتى.
قۇتقارۋشىلار تەكسەرىلگەن ءارى راستالعان اقپارات كەلىپ تۇسكەن جاعدايدا كەمەنى ىزدەۋگە دايىن.
پارە- پارە- تاندجۋنگ باعىتىندا سوڭعى كۇندەرى اۋا رايىنىڭ قولايسىزدىعى بايقالۋدا. ماماندار ەگەر ونداي كەمە راسىمەن دە بولسا، وسىنداي تولقىننىڭ اسەرىمەن ونىڭ باتىپ كەتۋ مۇمكىندىگىن جوققا شىعارمايدى، دەپ جازادى لەنتا. ر ۋ.
