پەتروپاۆلدا سوعىس ارداگەرلەرىنە 200 مىڭ تەڭگەگە جۋىق سىياقى بەرىلمەك - فوتو
بۇل تۋرالى حالىقپەن ەسەپتىك كەزدەسۋىندە پەتروپاۆل قالاسىنىڭ اكىمى مارات تاسماعانبەتوۆ ءمالىم ەتتى.
«ۇلى جەڭىستىڭ 70 جىلدىعىن تويلاۋعا از ۋاقىت قالدى. وتكەندى ەسىندە ساقتاپ، باعالايتىن ەلدىڭ بولاشاعى بار. بۇل تۋرالى ەلباسىمىز ءاردايىم ەسكە سالىپ، ارداگەرلەردى قۇرمەتتەۋگە شاقىرادى. قالامىزدا 162 ۇ و س مۇگەدەگى مەن قاتىسۋشىسى جانە 6 مىڭنان استام تىل ەڭبەككەرى تۇرادى»، - دەپ اتاپ ءوتتى م. تاسماعانبەتوۆ.
وبلىس اكىمى ەرىك سۇلتانوۆتىڭ باستاماسىمەن جانە ارداگەرلەر كەڭەسىنىڭ قولداۋىمەن ۇلى جەڭىستىڭ 70 جىلدىعىنا وراي جەڭىس ساياباعىن قالپىنا كەلتىرۋ جۇمىستارى باستالدى.
«قالالىق ءماسليحات سەسسياسىنىڭ شەشىمىمەن جەرگىلىكتى بيۋدجەتتەن بولىنەتىن ءبىر رەتتىك تولەمدەر كولەمى ۇلعايتىلدى. ول سوعىس مۇگەدەكتەرى مەن قاتىسۋشىلارى ءۇشىن 100 ا ە ك دەيىن بولسا، ماراپاتتالعان تىل ەڭبەككەرلەرى ءۇشىن 25 ا ە ك دەيىنگى مولشەردى قۇراماق»، - دەدى قالا باسشىسى.
سونداي-اق شيپاجايلاردا ەمدەلۋگە، ءتىس پروتەزدەۋگە جانە ت. ب بولىنەتىن قارجى تۇرىندەگى قولداۋ ساقتالدى. بۇل ماقساتقا جەرگىلىكتى بيۋدجەتتەن 214 ميلليون تەڭگە قاراستىرىلعان.
