يتالياندىق مۇناي- گاز كومپانياسىنىڭ باسشىسى مۇناي باعاسى 200 دوللارعا دەيىن ءوسۋى مۇمكىن ەكەنىن ەسكەرتتى

  بۇل تۋرالى ر ب ك حابارلادى.  

- نارىقتاعى قازىرگىدەي جاعدايدا وپەك تىس قالا بەرسە، الەم مۇناي باعاسىنىڭ باررەلىنە 200 دوللارعا دەيىن شارىقتاعانىن كورەتىن بولادى، - دەدى Eni- دىڭ باس ديرەكتورى كلاۋديو دەسكالتسي.

ونىڭ ايتۋىنشا، قازىرگى باعانىڭ قۇلدىراۋى مۇناي جوبالارىنا سالىناتىن ينۆەستيتسيانى ايتارلىقتاي شەكتەپ قانا قويماي، كەلەشەكتە نارىقتا ۇسىنىس ازايىپ، تاپشىلىق بولۋى مۇمكىن.

«كوپتەگەن جوبالارىمىز - ۇزاق مەرزىمگە ارنالعان. ولار بەس نەمەسە التى جىلدان كەيىن وندىرۋگە باعىتتالعان. بۇل - ويلاناتىن جايت. ەگەر قازىر كاپيتال سالىمى كۇرت قىسقاراتىن بولسا، ءتورت- بەس جىلدان كەيىن ءوندىرىستىڭ جەتىسپەۋشىلىگىنە تاپ بولىپ، مۇناي قۇنى باررەلىنە 200 دوللارعا دەيىن شارىقتاپ كەتۋى ىقتيمال»، - دەپ ەسكەرتتى ول.

ب ا ق- قا بەرگەن سۇحباتىندا دەسكالسي باعا 2015 - جىلدىڭ اياعىنا دەيىن وسە باستاۋى مۇمكىن ەكەنىن ايتتى.  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى