جىل سايىن 200 قازاقستاندىق دارىگەر الەمنىڭ ۇزدىك مەديتسينالىق ورتالىعىندا ءبىلىم الادى

بۇل تۋرالى قازاقپاراتتىڭ رەسمي ساۋالىنا جاۋاپ بەرگەن ق ر دەنساۋلىق ساقتاۋ جانە الەۋمەتتىك دامۋ مينيسترلىگىنەن حابارلادى.

ماسەلەن، مينيسترلىك اقپاراتىنا قاراعاندا، اعىمداعى جىلى مەديسينا سالاسىنىڭ باسىمدىقتى باعىتتارى بويىنشا قازاقستاندىق 145 ماماننىڭ گەرمانيا، ليتۆا، لاتۆيا، فرانسيا، ۇلى بريتانيا، رەسەي، چەحيا، بەلارۋس، تۇركيا، بەلگيانىڭ جەتەكشى مەديتسينالىق ورتالىقتارىندا ءبىلىم الۋى جوسپارلانعان. اعىمداعى جىلدىڭ 9 ايىنىڭ قورىتىندىسىنا سايكەس 39 مامان ءوز ءبىلىم جەتىلدىرىپ، ەلىمىزگە ورالدى.

 بۇدان بولەك، وتاندىق مەديسينالىق ءبىلىم جانە عىلىم ۇيىمدارىنىڭ بازاسىندا حالىقارالىق دەڭگەيدەگى شەتەلدىك مامانداردىڭ قازاقستاندىق دارىگەرلەرگە ارنالعان شەبەرلىك ساباقتارى وتكىزىلۋدە. اعىمداعى جىلى اۆستريا، وڭتۇستىك كورەيا جانە رەسەيدەن كەلگەن ماماندار ەلىمىزدىڭ جوعارى وقۋ ورىندارىندا پەدياتريانىڭ وزەكتى ماسەلەلەرى بويىنشا ءدارىس بەردى. يتاليا، يزرايل جانە كورەيا ەلدەرىنىڭ جەتەكشى ونكولوگيالىق ورتالىقتارىنىڭ ماماندارى قازاق ونكولوگيا جانە راديولوگيا عىلىمي- زەرتتەۋ ينستيتۋىندا ونكولوگيانىڭ وزەكتى ماسەلەلەرىنە قاتىستى شەبەرلىك ساباقتارىن وتكىزدى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى