جەمقورلىق ارەكەتى ءۇشىن «نۇر وتاننان» 200 ادام شىعارىلدى
«پارتيا قاتارىن تازالاۋ بارىسىندا پارتيامەن بايلانىس ۇزگەن، پارتيالىق ءتارتىپ پەن زاڭنامالىق نورمالاردى بۇزعان 25 مىڭ ادام شىعارىلدى. ونىڭ ىشىندە 200 ادام جەمقورلىق ارەكەتى ءۇشىن شىعارىلدى»، - دەدى بايبەك «نۇر وتان» پارتياسىنىڭ سىبايلاس جەمقورلىققا قارسى ءىس-قيمىل باعدارلاماسىن جاساۋ جونىندەگى جۇمىس توبىنىڭ قورىتىندى وتىرىسىندا.
بايبەكتىڭ ايتۋىنشا، پارتيا «نۇر وتان» ءتوراعاسىنا جەمقورلىققا قارسى ءىس-قيمىل باعدارلاماسىنىڭ ورىندالۋى تۋرالى ەلدەگى جەمقورلىقتىڭ قابىلدانۋ دەڭگەيى جايلى دەرەكتەرى بار جىل سايىنعى بايانداما دايىنداۋدى جوسپارلاپ وتىر. بايانداما مازمۇنى مەن جەمقورلىقتى ءتۇسىندىرۋ ۇلتتىق يندەكسىن ب ا ق-تا جىل سايىن جاريالاپ وتىرۋ جوسپارلاندى.
«بۇگىندە باعدارلاما دايىن جانە پارتيانىڭ جەتەكشى ورگاندارىنا تالقىلاۋعا جىبەرىلدى»، - دەدى بايبەك.
ول پارتيانىڭ جالپى قوعامنىڭ انتيكوررۋپتسيالىق قوزعالىسقا قاتىسۋى جانە ەلدەگى جەمقورلىق دەڭگەيىنىڭ ايتارلىقتاي تومەندەۋى سياقتى ماقساتتارىنا جەتەتىنىنە سەنىم ءبىلدىردى.
«بىرىگىپ كۇش سالىپ، حالىقتىڭ ساناسىن وزگەرتە الاتىنىمىزعا سەنەمىن»، - دەدى پارتيا ءتوراعاسىنىڭ ءبىرىنشى ورىنباسارى.
وسى جىلدىڭ ءساۋىر ايىندا باۋىرجان بايبەك پارتيالىق ءتارتىپتى تۇبەگەيلى ارتتىرۋ كەرەك ەكەنىن مالىمدەگەن بولاتىن.
«نۇر وتاننىڭ» پارتيالىق باقىلاۋ جۇمىسىن پارلامەنت ءماجىلىسىنىڭ دەپۋتاتى قۋانىش سۇلتانوۆ باسقارادى. سۇلتانوۆ بۇعان دەيىن پارتيا تالاپتارىنا جاۋاپ بەرمەيتىن ادامداردى مۇشەلىكتەن شىعارۋ بويىنشا كامپانيانى شۋمەن وتكىزبەۋدى شەشكەنىن مالىمدەدى. مۇنىڭ ورنىنا بايسالدىلىقپەن جۇمىس جاساۋعا شەشىم قابىلدانىپتى. «سويتسەك، پارتياعا بىرەۋ دەپۋتات بولۋ ءۇشىن، ال بىرەۋ پايداكۇنەمدىك پيعىلمەن وتكەن ەكەن»، - دەدى سۇلتانوۆ.
سونىمەن بىرگە، سوڭعى جارتى جىلدا پارتيالىقتاردىڭ سانى 25 مىڭعا قىسقارعانى حابارلاندى.
