ەكى كۇندە ىزدەۋدەگى 200 دەن استام قىلمىسكەر ۇستالدى - ق ر ءى ءى م
بۇل تۋرالى قازاقستان رەسپۋبليكاسى ءى ءى م كريمينالدىق پوليتسيا دەپارتامەنتىنەن حابارلادى.
«وپەراتسيا بارىسىندا قابىلدانعان شارالارمەن ىزدەستىرۋدەگى 239 قىلمىسكەر، ونىڭ ىشىندە كىسى ولتىرگەنى ءۇشىن - 5، دەنساۋلىققا اۋىر زيان كەلتىرگەنى ءۇشىن - 4، قاراقشىلىق شابۋىلدار ءۇشىن - 5 جانە توناۋ جاساعانى ءۇشىن - 12، ونىڭ ىشىندە رەسپۋبليكادان تىس جەرلەردە - 18 (رەسەيدە - 11، وزبەكستاندا - 4، قىرعىزستاندا - 2 جانە ازەربايجاندا - 1)؛ دوستاستىق ەلدەرى ءۇشىن - 64 (رەسەي - 38، وزبەكستان - 17، قىرعىزستان - 5، ازەربايجان، ارمەنيا، مولدوۆا جانە تۇرىكمەنستان ءۇشىن 1 دەن) ۇستالدى»، دەلىنگەن 14-15 - قازان كەزەڭىندە جۇرگىزىلگەن «ىزدەستىرۋ» بىرلەسكەن وپەراتسياسىنىڭ قورىتىندىسىندا.
اتاپ ايتقاندا، ءوزارا ءىس-قيمىل بارىسىندا الماتى وبلىسىنىڭ قاراساي اۋدانىندا 2005 - جىلعى قاراشادا وسى ءوڭىر تۇرعىنىن ولتىرگەنى ءۇشىن وبلىستىڭ ءى ءى د-ىندە ىزدەستىرۋدە بولعان قازاقستان ازاماتىن قىرعىز رەسپۋبليكاسى شۋ وبلىسىنىڭ اۋماعىندا ۇستاۋ مۇمكىن بولدى.
اقتوبە قالاسىندا بىرنەشە قاراقشىلىق شابۋىل جاساعانى ءۇشىن 1998 - جىلدان باستاپ اقتوبە وبلىسىنىڭ ءى ءى د-دە ىزدەستىرۋدە بولعان اقتوبە وبلىسىنىڭ 37 جاستاعى تۇرعىنى الماتى قالاسىندا ۇستالدى.
ومبى وبلىسىنىڭ اۋماعىندا بىرلەسكەن جەدەل-ىزدەستىرۋ ءىس-شارالارى بارىسىندا استانا قالاسىنىڭ تۇرعىنىنا قاتىستى الاياقتىق جاساعان، جالپى سوماسى 15,5 ميلليون تەڭگە زالال كەلتىرىپ، جابىرلەنۋشىگە تيەسىلى قىمبات اۆتوكولىكتەردى الاياقتىق جولمەن يەلەنىپ العانى ءۇشىن كۇدىكتى ۇستالدى.
سونداي-اق كەلىپ تۇسكەن ىزدەستىرۋ تاپسىرمالارى بويىنشا استانا قالاسىنىڭ ءى ءى د قىزمەتكەرلەرى قاراقشىلىق شابۋىل جاساعانى ءۇشىن بىشكەك قالاسىنىڭ ق ءى ءى ب ىزدەستىرۋىندە بولعان قىرعىزستان ازاماتىن جانە جابىرلەنۋشىنىڭ ولىمىنە اكەپ سوققان دەنساۋلىققا قاساقانا زيان كەلتىرگەنى ءۇشىن وزبەكستان رەسپۋبليكاسى فەرعانا وبلىسىنىڭ ءى ءى ب ىزدەستىرۋىندە بولعان وزبەكستان ازاماتىن ۇستادى.
ايتا كەتەيىك، بۇل شارا ت م د ەلدەرىنىڭ ىشكى ىستەر مينيسترلىكتەرىمەن قول جەتكىزگەن كەلىسىمگە سايكەس ۇيىمداستىرىلدى. قازىرگى ۋاقىتتا دوستاستىق ەلدەرىندە انىقتالعان جانە ۇستالعان ىزدەستىرۋدەگى قىلمىسكەرلەرگە قاتىستى ەكستراديتسيالىق ماتەريالدار دايارلاۋ بويىنشا جۇمىستار جۇرگىزىلۋدە.
اۆتور: رۋسلان عابباسوۆ
