قازاقستاننىڭ سولتۇستىگىندە 200 دەن اسا دارىگەر ماماندار جەتىسپەيدى
ونىڭ ايتۋىنشا، وبلىس بويىنشا 1465 دارىگەر مەن 5112 ورتا مەديتسينالىق قىزمەتكەرلەر جۇمىس ىستەيدى. ءماريام باپانوۆانىڭ ايتۋى بويىنشا وبلىستا ءالى 200 دەن اسا دارىگەر قاجەت. اۋىلداردا - 70، وبلىس ورتالىعىندا - 121 دارىگەر جەتىسپەيدى. كادر تاپشىلىعى جامبىل، شال اقىن، تيميريازيەۆ اۋداندارىندا ەرەكشە سەزىلەدى. 2014-جىلى وبلىسقا 75 جاس مامان كەلەدى دەپ جوسپارلانعان. ولاردىڭ 50 ءى كەلىپ، جۇمىسقا ورنالاسقان.
ءوڭىر باسشىسى ءوزىنىڭ ورىنباسارى انارحان دۇيسەنوۆاعا ەكى اپتانىڭ ىشىندە وبلىسقا دارىگەر كادرلاردى تارتۋ بويىنشا جۇمىس جوسپارىن جاساۋدى تاپسىردى.
«مۇمكىن ولار ءۇشىن بالاباقشالاردان ورىن قاراستىرۋ كەرەك شىعار. جاتاقحانا، پاتەر ماسەلەلەرىن دە ەسەپكە الىڭىز»، - دەدى ەرىك سۇلتانوۆ.
كۇزگى اۋىل شارۋاشىلىعى تاۋارلارىنىڭ جارمەڭكەلەرىن ۇيىمداستىرۋ تۋرالى كاسىپكەرلىك جانە تۋريزم باسقارماسى باسشىسىنىڭ مىندەتىن اتقارۋشى ەركەبۇلان كامەنوۆ باياندادى. وبلىس اكىمى مۇنداي جارمەڭكەلەردى ءالى دە ۇيىمداستىرۋ كەرەكتىگىن ايتتى.
اۋىل شارۋاشىلىعى باسقارماسىنىڭ باسشىسى سەرىكباي تۇرالينوۆ ەلدى مەكەندەردەن ءسۇت جيناۋدى ۇيىمداستىرۋ جۇمىستارىنىڭ قورىتىندىلادى. بۇگىندە ەلدى مەكەندەردىڭ 78 پايىزىندا ءسۇت جينالادى. ءبىر ايدىڭ ىشىندە عانا قوسىمشا 44 ەلدى مەكەندە بۇل جۇمىس ۇيىمداستىرىلعان. وبلىس اكىمى جۇمىس ءتيىستى دەڭگەيدە جۇرگىزىلمەي وتىرعان اقجار، ءۋاليحان، جامبىل اۋداندارىن باقىلاۋعا الۋدى تاپسىردى.
قارجى باسقارماسىنىڭ باسشىسى ەسكەن اكىمجانوۆ بيۋجەتتىك ۇيىمدارعا جەمىس پەن كوكونىس قابىلداۋ بويىنشا اتقارىلعان جۇمىستار جايىنان حاباردار ەتتى. ءوڭىر باسشىسى بۇل جۇمىستى جۇرگىزۋدە جەرگىلىكتى تاۋار وندىرۋشىلەردى دە قاتىستىرۋ كەرەك ەكەندىگىن ايتتى، دەپ حابارلانعان س ق و اكىمدىگىنىڭ رەسمي سايتىندا.
