ۇلتتىق بانك 2006 -جىلعى ۇلگىدەگى بانكنوتتاردى قابىلداۋ جانە اۋىستىرۋ مەرزىمىن ۇزارتتى
«حالىقتان ءوتىنىش تۇسكەن سوڭ، ايىرباستاۋ مەرزىمىن ۇزارتۋ تۋرالى شەشىم قابىلدادىق. كەيبىر ازاماتتار، اسىرەسە، زەينەت جاسىنداعى قاريالار ءارتۇرلى سەبەپتەرگە بايلانىستى ەسكى بانكنوتتاردى ۋاقىتىندا ايىرباستاپ ۇلگەرمەگەن»، - دەيدى قولما- قول اقشا اينالىسى دەپارتامەنتىنىڭ ديرەكتورى جومارت قاجمۇراتوۆ.
بانكنوتتار جەكە تۇلعالار ءۇشىن تەك ۇلتتىق بانكتىڭ فيليالدارىندا عانا ايىرباستالادى. ولاردىڭ مەكەنجايى مەن بايلانىس تەلەفونى تۋرالى اقپارات ۇلتتىق بانكتىڭ سايتىندا ورنالاسقان. 2021 -جىلدىڭ 1- اقپانىنان كەيىن بانكنوتتاردى ايىرباستاۋ توقتاتىلادى.
ەسكە سالا كەتەيىك، 2006 -جىلعى ۇلگىدەگى نومينالدارعا ءتان بانكنوتتاردى ايىرباستاۋ كەزەڭى 2016 -جىلدىڭ قازانىنان 2020 -جىلدىڭ 5 - قازانىنا دەيىن - 4 جىل بويى ۇزارتىلىپ كەلدى. قوسىمشا سۇراقتار تۋىنداعان جاعدايدا ۇلتتىق بانكتىڭ 1477 بايلانىس ورتالىعىنا حابارلاسۋعا بولادى.
اۆتور: الما مۇقانوۆا
