ماتەراتستسي 2006-جىلعى الەم بىرىنشىلىگىندە زيداننان نە ءۇشىن تاياق جەگەن؟ - كەسكىن
ەستەرىڭىزدە بولسا، 2006-جىلعى الەم چەمپيوناتىنىڭ اقتىق سىنىندا زيدان ماتەراتستسيدىڭ كەۋدەسىن باسپەن ۇرىپ، ناتيجەسىندە يتالياندىق ەكى بۇكتەلىپ ءتۇستى. بۇل ارەكەتى ءۇشىن فرانسۋز قىزىل قاعاز الىپ، الاڭنان قۋىلعان. ال فرانسيا قاقپاسىنا تورەشى پەنالتي بەلگىلەگەن بولاتىن. وسىدان سوڭ زيزۋدىڭ اشۋىنا تيەتىندەي ماتەراتستسيدىڭ سونشالىقتى نە ايتقانى فۋتبول الەمىندە ابدەن تالقىعا سالىنىپ، باسىلىمدار يتالياندىق قورعاۋشىنىڭ زينەديننىڭ اناسىن بالاعاتتاعانىن جارىسا جازدى. ماتەراتستسي سول جولى شىنىمەن دە فرانسۋزدىڭ نامىسىنا تيگەن ءسوز ايتقانىن اراعا 10 جىل سالىپ مويىنداپ وتىر.
«مەن راسىندا دا اقىماقتىقپەن دورەكى ءسوز ايتتىم، ءبىراق ونىڭ ءوزى زيداننىڭ ءدال وسىلايشا ارەكەت ەتۋىنە تۇرمايدى. ريم، نەاپول، تۋرين، ميلان، ءتىپتى پاريجدىڭ كەز كەلگەن بولىگىنەن ودان دا اۋىر سوزدەردى ەستۋگە بولادى. مەنىڭ ايتقانىم، ونىڭ اناسىنا ەمەس، اپكەسىنە قاتىستى بولاتىن»، - دەيدى ماتەراتستسي.
